معاشرے کو سنوارنے کیلئے اساتذہ کلیدی کردار ادا کر رہے ہیں وہ قومیں کبھی ترقی نہیں کرسکتی جن میں ٹیچر کو اہمیت نہیں دی جاتی ۔محمد خاں ورک ۔

مقامی شادی ہال میں PSTٹیچر گورنمنٹ پرائمری سکول کئیر باوا محمد خاں ورک کی ریٹائر منٹ کے سلسلہ میں الوداعی تقریب منعقد ہوئی جس میں ہیڈ ماسٹر گورنمنٹ پرائمری سکول کئیر باوامحمد یونس ،قاری عابدحسین ،رانا احسان الحق ،محمد یونس ،چوہدری افتخار گجر ،سر محمد بوٹا ،چوہدری محمد اشرف گجر ،رانا فضل الرحمن ،ڈاکٹر وارث علی سلیمی ،صابر چیمہ ،چوہدری محمد ارشد ورک ،چوہدری محمد امین اور معززین علاقہ کی کثیر تعداد نے شرکت کی تقریب میں تمام مقررین نے محمد خاں ورک کی بطور استاد خدمات کو قابل ستائش قرار دیا تقریب سے خطاب کرتے ہوئے محمد خاں ورک نے کہا کہ ہم مجموعی طور پر ایک قوم نہیں بن پائے اس کیلئے ضروری ہے کہ اساتذہ اپنے کھوئے مقام کو حاصل کریں اور معاشرے کو سنوارنے کیلئے اپنا کلیدی کردار ادا کریں انہو ں نے کہا مزید کہا کہ ایسی قومیں کبھی ترقی کی منازل طے نہیں کر پاتی جن میں ٹیچر کو عزت و تحریم اور بلند مقام حاصل نہ ہو۔