ماں فاؤنڈیشن آف پاکستان کے زیر اہتمام جشن آزادی کے موقع پر پروقار تقریب کا انعقاد کیا گیا جس میں صدر سیٹھ افتخار احمد ،محمد امجد رانا صراف ، سید تقی رضابخاری ،مرزا وحید انجم ،ملک عبدالجبار ،نور محمد ،سیٹھ عبدالستار ،سیٹھ الیاس،مرزا عبدالرشید کپڑے والے ،محمد نفیس سیلز منیجر ،مشتاق گل،رانا طاہر محمود ،میاں جہانزیب ،اشرگ کھوکھر سمیت دیگر عہدیداران وکارکنان کی بہت بڑی تعداد نے شرکت کی تقریب میں جشن آزادی کی 67 ویں سالگرہ کا 67 پونڈ کا کیک بھی کاٹا گیا تقریب سے خطاب کرتے ہوئے سید تقی رضا اورسیٹھ افتخار احمد نے کہاکہ یوم آزادی پاکستان ہمارے لیے بڑی خوشی اور مسرت کا دن ہے مگر ہمیں ان باتوں کا بھی خیال رکھنا چاہیے کہ ہمارے اباؤ اجداد نے اس کے حصول کیلئے لاکھوں قربانیاں دیں ،ہماری عصمتوں کو پامال کیا گیا تب جاکر ہمیں یہ دن نصیب ہواہمیں اس دن کی مناسبت سے یہ عہدکرنا ہوگا کہ پاکستان کو ترقی یافتہ بنانے کیلئے ہمیں اپنی تمام تر صلاحیتوں کو بروئے کارلانا ہے اور قائد کے خوابوں کو شرمندہ تعبیر کرنے کیلئے ہمیں کوئی کسر اٹھا نہیں رکھنا ہوگی آخر میں ملکی سلامتی کیلئے دعا کی گئی ۔
