لاہور: عمران خان اپنی ناکامیوں کا بدلہ عوام سے لینا چاہتے ہیں وہ جان لیں کہ لاہور بندنہیں ہوگا ان خیالات کااظہارمسلم لیگ ن تاجرونگ پنجاب کے جنرل سیکرٹری الحاج زبیر احمد نے تاجربرادری کے متعدد وفودسے ملاقات کے دوران کیا۔انہوں نے کہا لاہور میاں نواز شریف کا ناقابلِ تسخیرقلعہ ہے کوئی مائی کا لال دھونس، جبر اور طاقت سے لاہورکا ایک بھی بازار بندنہیں کروا سکتا چند مایوس سیاستدان پاکستان،جمہوریت اور سیاست کو یرغمال بنانے کی ناکام کوشش کررہے ہیں جو کبھی کامیاب نہیں ہو سکتی عوام کل بھی میاں نوازشریف کے ساتھ تھے آج بھی میاں نواز شریف کے ساتھ ہیں۔ الحاج زبیر احمد نے کہا احتجاجی سیاست،ہڑتالیں، جلاؤ گھیراؤکو لوگوں کی اکثریت پسندنہیں کرتی اس لئے عوام نے لندن پلان کو مستردکردیاہے جمہوریت میں ہٹ دھرمی مسائل کو جنم دیتی ہے با مقصد مذاکرات کے ذریعے حکومت آئینی حدود میں رہتے ہوئے مطالبات تلیم کرنے کو تیارہے۔
