قصائی حضرات رہائشی علاقوں میں جانوروں کی چربی سے تیل تیار کرتے ہیں جس سے بدبو اور تعفن پیدا ہوتا ہے ،علاقہ مکین قصائیوں کے اس عمل کی وجہ سے شدید پریشانی کا شکار ہیں ،ڈی سی او شیخوپورہ سے اصلاحِ احوال کا مطالبہ بتایا گیا ہے کہ فاروق آباد کے متعدد محلہ جات میں قصائی حضرات روزانہ گوشت بناکر لاہور اور دیگر علاقوں میں فروخت کیلئے بجھواتے ہیں جب کے ان جانوروں کی چربی ذخیرہ کر لی جاتی ہے جسے بعد ازاں گرم کرکے تیل بنایا جاتا ہے اور اسے کنستروں میں پیک کر کے فروخت کیا جاتا ہے گرم کرنے کے عمل میں چربی سے انتہائی بدبو اور تعفن پید اہوتا ہے جو علاقہ بھر میں پھیل جاتا ہے اور سانس لینا دوبھر ہوجاتا ہے علاقہ مکین شدید بدبوکی وجہ سے بیماریوں کا شکار ہو کر رہ گئے ہیں لیکن کوئی بھی محکمہ اس تعفن اور بیماریاں پھیلانے والے دھندہ کے خلاف کاروائی کرنے سے قاصر ہے اہلیان علاقہ نے ڈی سی او شیخوپورہ سے اپیل کی ہے کہ گھروں میں چربی کاڑنے والے افراد کے خلاف کاروائی عمل میں لائی جائے ۔
