فاروق آباد کے نواحی گائوں میں تقریباً 70 لاکھ روپے کی گندم جل کر راکھ ہو گئی تفصیل کے مطابق فاروق آباد تھانہ صدر کے علاقے ڈیرہ گجراں میں نامعلوم وجوہات سے گندم کی تیار فصل میں آگ بھڑک اُٹھی جس سے 80ایکڑ رقبہ پر تیار گندم جل کر راکھ ہو گئی۔ اہلیانِ علاقہ نے موقع پر ریسکیو 1122کے عملہ کو کال کر کے موقع پر بلا لیا جنہوں نے فوری طور پر موثر کاروائی کرتے ہوئے آگ پر قابو پا لیا اور ارد گرد کے سینکڑوں ایکڑ اراضی کو بچا لیا۔ اور وہاں کے زمیندار اپنی آنکھوں کے سامنے پورے سال کی محنت کو جلتے ہوئے دیکھتے رہ گئے اور ان کا سب کچھ جل کر راکھ ہو گیا۔ متاثرین میں ارشاد گجر، ظفر اللہ، عباد اللہ، سرور گجر اور بیس کے قریب چھوٹے زمیندار متاثر ہوئے کسانوں کا کہنا ہے کہ ہماری ساری محنت کو آگ لگ گئی۔ اس حادثہ کی وجہ سے ہمارا بہت مالی نقصان ہوا ہے۔
