فاروق آباد میں گراں فروشی عروج پر، سرکاری افسران خاموش نماشائی، کوئی پوچھنے والا نہیں

فاروق آباد اور گردو نواں ميں دوکانداروں نے اپنے من پسند ریٹ مقرر کر لئے۔ دالیں، سبزیاں، گھی، دودھ، دہی، فروٹ، گوشت اور تمام اشیاء صرف کی قیمتوں میں ہوشرباء اضافہ دوکانداروں نے اپنا وطیرہ بنا لیا ہے۔ جس سے غریب اور متوسط طبقہ اپنی زندگی بری طرح گزارنے پر مجبور ہے۔ دودھ کا سرکاری نرخ60روپے فی کلواور دہی کا 65روپے فی کلو مقرر ہے جبکہ دوکاندار پانی ملا دودھ 70روپے فی کلو اور دہی 80روپے فی کلو فروخت کر رہے ہیں، نان جس کا وزن بمشکل 70گرام ہے 8روپے میں فروخت کر رہے ہیں جبکہ ریگولر کولڈ ڈرنکس 20کی بجائے 25میں فروخت کر رہے ہیں اور سرکاری افسران صرف کاغذی کاروائی تک محدود ہیں۔ فاروق آباد کی عوام نے وزیرِ اعلیٰ جناب میں محمد شہباز شریف اور ڈی سی او شیخوپورہ حاجی علی جان سے فی الفور اپیل کی ہے کہ ان گراں فروشوں کے خلاف فوری کاروائی کی جائے تاکہ غریب عوام اپنی زندگی احسن طریقے سے گزار سکیں۔