ساؤتھ سب ڈویژن فاروق آباد کے علاقے چشت نگر تاراں والا بازار میں ایک ماہ قبل لیسکو ملازمین نے پولیس کے ہمراہ چھاپہ مار کربجلی چور کے خلاف تھانہ سٹی فاروق آباد میں الیکٹرک سٹی ایکٹ39/Aکے تحت مقدمہ درج کروا دیا گیا ۔جس کی پاداش میں ملزمان نے اس مقدمہ سے بچنے کیلئے ایک من گھڑٹ بے بنیاد جھوٹا مقدمہ لیسکو واپڈا ساؤتھ سب ڈویژن فاروق آباد کے دس ملازمین معہ ایس ڈی او حبیب اللہ بلوچ درج کروا دیا ۔جس پر آل پاکستان واپڈا ہائیڈرو الیکٹرک سنٹرل لیبر یونین (CBA)کے عہدیداران کا زبردست احتجاج کیااور کہا ہے کہ لیسکو ملازمین حکومت اور افسران لیسکو کی طرف سے جاری کردہ ہدایات اور اپنے فرض کی تکمیل کیلئے گھر گھر جا کر بجلی چوری کی روک تھا م کیلئے اپنا کردار ادا کر کے بجلی چوری میں ملوث افراد کے خلاف قانونی کاروائی کرتے ہیں جس کے دوران انہیں مزاحمت کا سامنا بھی کرنا پڑتا ہے ۔ملزمان نے بجلی چوری کی کاروائی پر پردا ڈالنے کیلئے اور ملازمین کو حراساں کرنے کیلئے جھوٹا مقدمہ درج کروایا ہے ۔ہم ڈی پی او شیخوپورہ افضال احمد کوثر سے مطالبہ کرتے ہیں کہ وہ اس کا سختی سے نوٹس لیتے ہوئے اس مقدمہ کو فی الفور خارج کرنے کے احکامات دیں ۔اس موقع پررورل سیکرٹری رانا انجم،اوردیگر نے کہا کہ اگر جھوٹے مقدمہ کو خارج نہ کیا گیا تو احتجاجی مظاہرہ کیا جائے گا۔
