ارشد ملک ولد الیاس ملک جو کہ تھانہ سٹی فاروق آباد کے علاقہ مسلم ٹائون کا رہائشی تھا گزشتہ روز اس کی مہندی کی تقریبات جاری تھیں کہ ناظم ملک اپنے تین نا معلوم ساتھیوں کے ہمراہ اس کو ملنے آیا اور گھر سے باہر لے جا کر فائرنگ کر کے قتل کر دیا۔ شادی والے گھر میں ماتم بچھ گئی۔ قتل کی وجہ کوئی ذاتی رنجش بتائی جاتی ہے۔ سٹی فاروق آباد پولیس نے مقدمہ درج کر لیا مگر تاحال کوئی ملزم گرفتار نہیں ہو سکا۔
