داؤدخیل (نامہ نگار)شاہ مردان ویلفیئر گزشتہ چند سالوں سے پکی شاہ مردان اور گردو نواح کے علاقوں میں تعلیم کے حوالے سے سر کرداں ہے اور علاقے بھر کے جتنے بھی مستحق طلباء اور طالبات ہیں جن کے والدین ان کے تعلیمی اخراجات برداشت نہیں کر سکتے ان کی ہر ممکن مالی مدد کرتی ہے ۔ہر سال کی طرح اس سال بھی غریب طلباء اور طالبات میں مفت کاپیاں تقسیم کی گئیں ۔ ویلفیئر کے صدرسید انتظار مہدی اور جنرل سیکرٹری سید یاسر رضا نے ان خیالات کا اظہار کرتے ہوئے مزید کہا کہ ہم اس کارِ خیر کو جاری رکھیں گے اور مستحق وذہین طلباء کی تعلیم کے حوالے سے مالی معاونت کرتے رہیں گے ۔ ہماری کوشش ہے کہ ہمارے علاقے کے غریب بچے بھی دوسرے بچوں کی طرح اعلی تعلیم حاصل کر سکیں اور تاکہ وہ بھی مستقبل میں اپنے ملک اور اپنے علاقہ کی خدمت کریں۔ انہوں نے کہا کہ اس سال ہم نے 200سے زائد طلباء اور طالبات میں مفت کاپیاں تقسیم کیں گئی ہیں۔ چیئرمین شبر رضوی اور سرپرست ناصر ملک نے کہاکہ ہم کچھ دنوں تک مستحق سٹوڈنٹس میں یونیفارم بھی تقسیم کریں گے۔ انہوں نے کہاکہ گورنمنٹ بوائز اور گرلز ہائی سکولز پکی شاہمردان،مقامی سکول داؤدخیل، گورنمنٹ ایلیمنٹری سکول ڈھوک بھرتال ، گرلز پرائمری سکول پکی شاہمردان و دیگر سکولز کے مستحق طلبہ و طالبات میں نوٹ بکس تقسیم کی گئی۔ اس کام میں تبرک حسن شاہ، نیاز حسین شاہ، اسرار میکن اور ریاض میکن بطورِ معاونین ان کے ہمراہ تھے۔