داؤدخیل (ذوالفقارخان سے)آج ڈسٹرکٹ پولیس آفیسر سرفراز خان ورک نے جناح بیراج ہائیڈرو پاور پراجیکٹ اور ڈیسکون کمپنی کا دورہ کیا اور وہاں پر چائنیز ماہرین ، انجنئیرز،واپڈا افسران، سرکل آفیسر ڈی ایس پی ظفر اقبال ، سجاد احمد ایس ایچ او کالا باغ ، محمد رمضان سگوایس ایچ او داؤد خیل ، عصمت اللہ ریٹائرڈ میجر چیف سیکورٹی آفیسر ڈیسکون کمپنی ، جملہ ایجنسیز افسران و دیگر، کے ساتھ میٹنگ کی ۔ دوران میٹنگ ڈی پی او نے کہا کہ میانوالی ڈسٹرکٹ کے پی کے کے ساتھ ملحقہ ڈسٹرکٹ ہے ، خام راستے اس ڈسٹرکٹ میں بہت زیادہ داخل ہوتے ہیں جس سے ہر وقت دہشت گردی کا خطرہ ہوتا ہے۔ لہذا چائنیز ماہرین کی سیکورٹی ہمارا اولین فریضہ ہے۔ہم انشاء اللہ ہر وقت انکی حفاظت کیلئے تیار ہیں ۔سیکورٹی کے پیش نظر علاقہ تھانہ چاپری میں خام راستہ پر پولیس پکٹ منظور کی اور فوراً عملہ تعینات کرنے کی ہدایت کی۔ مزید وہاں پر تعینات نفری پولیس کے افسران کو کہا کہ سبز نمبر پلیٹ والی گاڑیاں، کالے شیشے اور نیلی بتی والی گاڑیوں کو روک کر اچھی طرح چیک کریں، اور مشکوک افراد کی اچھی طرح تلاشی لیں۔

QR Code: