داؤدخیل (نامہ نگار)چیئرمین پاکستان تحریک انصاف عمران خان نے تمام لوکل باڈیز کو توڑ کر بہت اچھا اقدام کیا ان کے فیصلے کو تمام نظریاتی کارکنوں نے سراہا ہے۔ انٹر پارٹی الیکشن میں ضلع میانوالی میں دھاندلی کر کے من پسند افراد کو عہدوں پر فائز کیا گیا جن کی وجہ سے میانوالی میں تحریک انصاف کو شدید نقصان ہوا ان خیالات کا اظہار سابق ضلعی صدر یوتھ ونگ تحریک انصاف جاوید اقبال خان ایڈوکیٹ نے اپنے ساتھیوں کے ہمراہ پریس کانفرنس کرتے ہوئے کیا ۔انہوں نے کہا کہ اب انٹر پارٹی الیکشن میں نظریاتی کارکن بھر پور حصہ لیں گے ۔باڈیز ختم ہونے کے اعلان کے ساتھ ہی درجنوں کارکن دوبارہ پارٹی کے لیے متحد ہو کر واپس آگئے ہیں اور اس بار الیکشن کمیشن بھی غیر جانبدار ہونا چاہیے تاکہ مخلص ورکروں کو آگے آنے کا موقع ملے۔ داؤدخیل میں نااہل افراد کو عہدے دیے گئے جو پارٹی کے لیے نقصان دہ ثابت ہوئے ہیں اور سابقہ الیکشن میں میانوالی میں جن عہدیداروں کو عہدے ملے ہیں انہوں نے عمران خان کو پاور فل بنانے کی بجائے انہوں نے اپنی پوزیشن حلقے میں مضبوط کرنے کے لیے سر توڑ کوششیں کیں اور جن کی وجہ سے نظریاتی ورکر پارٹی سے دور ہو گئے تحریک انصاف کے کارکنوں نے باڈیز اور عہدے ختم کرنے کی خوشی میں مٹھائی بھی تقسیم کی اور خوشی کا اظہار کیا اس موقع پر پی ٹی آئی داؤدخیل کے کارکن ولی اللہ شاہ ،ثناء اللہ ،اسد خان ،سابق کونسلر عبد الغفار ،عطاء اللہ ،جاوید اقبال ،انور خان ،و دیگر کارکن بھی موجود تھے ۔

QR Code: