داؤدخیل (ذوالفقارخان)ہماری حکومت عوام کے لیے اچھے منصوبے لا رہی ہے ۔میانوالی کے لیے اربوں روپے کے پراجیکٹ شروع ہو چکے ہیں جن میں میانوالی بنوں روڈ کی تعمیر اور میانوالی سرگودہا موڑ سے جہاز چوک تک ماڈل روڈ کی تعمیر تکمیل کے آخری مراحل میں ہے۔ ان خیالات کا اظہار مسلم لیگ ن کے ایم این اے عبید اللہ شادی خیل نے میڈیا سے ٹیلی فونک گفتگو کرتے ہوئے کیا۔ انہوں نے کہا کہ پٹرولیم مصنوعات کی قیمتوں میں واضح کمی حکومت کی عوام دوستی کی مثال ہے۔ انہوں نے کہاکہ کیڈٹ کالج کوٹ چاندنہ کی تعمیر کے لیے دس کروڑ سے زائد کی رقم منظور ہو چکی ہے ۔جناح بیراج سے دریائے سندھ کے راستے اٹک تک سامان کی ترسیل کا منصوبہ ہے جس پر جلد کام شروع ہو نے والا ہے۔ انہوں نے کہا کہ جلد مسلم لیگ ن کی حکومت ملک کو اندھیروں سے نکال کر روشنی میں لائے گی ۔
