داؤدخیل(ذوالفقارخان)مقامی فرٹیلائزر فیکٹری انتظامیہ میری وراثتی جائیداد پرناجائز قبضہ کرنا چاہتے ہیں۔بیس سال قبل خاوند فوت ہوگیادو بچیاں اور ایک بیٹا یتیم رہ گئے۔اسی زمین پر محنت مزدوری کرکے یتیم بچوں کا پالا پوس کے جوان کیاہے ۔ملحقہ قصبہ پکی شاہ مردان کی ستر سالہ بزرگ مہراں خاتوں احتجاج کرنے پریس کلب پہنچ گئی۔بیوہ مہراں خاتوں نے بتایاکہ مقامی فرٹیلائزر فیکٹری کے پارک واقع پکی شاہ مردان کے ساتھ اسکے خاوند کی48کنال اراضی تھی ،بیس سال قبل خاوند محمدیونس فوت ہوگیا ۔اس نے اسی زمین پرسخت محنت مزدوری کرکے تین یتیم بچوں کو پالا پوسا ۔مقامی فرٹیلائزر فیکٹری صوبہ خیبر پختون خواہ کوکھاد کی ترسیل براستہ دریائے سندھ کرنے کے لئے یہاں جیٹی بنانا چاہتے ہیں،گزشتہ روز چند لوگ آئے او راسکی زمین پرجھنڈیاں لگا کر قبضہ کرنے کی کوشش کی۔انہوں نے کہ اگر اسکی زمین پرقبضہ کیا گیا تو وہ ڈی سی او میانوالی کے دفتر کے سامنے خود کوآگ لگاکر خود سوزی کرلے گی۔مہراں خاتوں نے وزیراعلیٰ پنجاب میاں شہباز شریف سے اپیل کی کہ اسکی زمین پر قبضہ کرنے والوں کے خلاف قانونی کارروائی عمل میں لائی جائے۔اس سلسلے میں ایڈمن منیجر فرٹیلائزر فیکٹری جاوید خان سے رابطہ کرکے دریافت کیاگیا تو انہوں نے بتایاکہ حکومت پنجاب کوکسی سلسلے میں زمین درکار ہے ۔ہماری فیکٹری کی زمین بھی ایکوائر کی جارہی ہے جو زمین ایکوائر کی جائے گی مالکان کو اسکے پیسے دئیے جائیں گے۔انہوں نے فیکٹری کی طرف سے کسی کی زمین پرقبضہ کرنے کی تردید کی۔
