داؤدخیل(ذوالفقارخان) مقامی سیمنٹ فیکٹری میں شجر کاری ڈے منایا گیا۔اس سلسلے میں منعقد ہ تقریب سے خطاب کرتے ہوئے ڈسٹرکٹ آفیسر ماحولیات اظہار الحق نے کہاکہ ماحول میں آلودگی کو درخت لگا کر روکا جاسکتا ہے ۔درخت ایک طرف آلودگی کوروکتے ہیں اوردوسری طرف تازہ آکسیجن فراہم کرتے ہیں۔انہوں نے کہاکہ درختوں کی کٹائی کی وجہ سے دنیا سے جنگلات ختم ہوتے جارہے ہیں اوردوسری طرف دنیا بھر میں صنعتی ترقی کی وجہ سے آلودگی میں اضافہ ہوگیا ہے ۔ اگر ہم سب ملکر درخت لگائیں تو ہرسال ملک میں کروڑوں درختوں کا اضافہ ہوگا اور آلودگی بھی کم ہوگی۔ عامر فروز جی ایم ورکس ،ناصر اقبال ڈی جی ایم ،محمدعامر ڈی جی ایم مکینیکل،ریحان منیر جی ایم ایگری ٹیک،محمدسجاد ڈی جی ایم ایڈمن اینڈ ایچ آر،ہارٹیکلچرمحمدارشد،محمدعرفان منیجر سیفٹی اورمہران علی منیجر ایچ آر نے خطابات کرتے ہوئے درختوں کی اہمیت بیان کی ۔انہوں نے کہاکہ سیمنٹ فیکٹری اسکندرآباد اب تک ایک لاکھ درخت لگاچکی ہے۔ ہرسال شجر کاری مہم میں بڑھ چڑھ کرحصہ لیاجاتا ہے جہاں تک ممکن ہووسائل استعمال کرکے درخت لگائے جاتے ہیں۔ طاہر ساقی نے شجرکاری مہم پرخصوصی گیت پیش کیا۔اس موقع عامر فیروز ،ریحان منیر،میڈیاکی طرف سے اکرم نیازی سمیت تمام معزز مہمانوں نے پودے لگاکر باقاعدہطور پر شجرکاری مہم کا آغاز کیا۔
