داؤدخیل (ذوالفقارخان)محکمہ پولیس ضلع میانوالی میں دریائی پوسٹس کی بھرتی کے لئے ڈسٹرکٹ پولیس لائن میانوالی میں فارم کی تقسیم شروع ہوگئی ہے جس کے لئے ڈسٹرکٹ پولیس آفیسر میانوالی سرفراز خان نے خصوصی طور پر ٹیمیں تشکیل دے دی ہیں۔ یہ ٹیمیں فارم تقسیم اور جمع کریں گی۔ اہلیت برائے امیدواران کا قد 5فٹ 7انچ ،چھاتی 33اور پھیلاؤ34-1/2،تعلیم میٹرک ،عمر 18سے 25سال ،امید وار کا ضلع میانوالی کا شناختی کارڈ اور ڈومیسائل ہونا لازمی ہے،7منٹ میں 01میل دوڑ ہوگی ،امیدوار تیراکی جانتا ہو۔نیر سابقہ فوجی ہونے کی صورت میں عمر 40سال سے زیادہ نہ ہو اور ریٹائرڈ ہوئے 02سال سے کم عرصہ ہوا ہو۔
