داؤدخیل (ذوالفقارخان)سنٹرل جیل میانوالی میں قتل کا قیدی بیماری کی وجہ سے جاں بحق،قیدی کے لواحقین کی طرف سے جیل سپریٹنڈنٹ اور جیل کے ڈاکٹروں کے خلاف احتجاج۔تفصیلات کے مطابق علاقہ چھدرو کارہائشی محمد ریاض جو کہ سنٹرل جیل میانوالی میں قتل کے الزام میں قیدتھابیمارہو گیا قیدی کے لواحقین کا کہنا ہے کہ انہوں نے کئی مرتبہ جیل سپریٹنڈنٹ سے قیدی کا جیل سے باہر علاج کرانے کی استدعا کی لیکن سپریٹنڈنٹ نے انکی درخواست رد کر دی بعد ازاں مقامی ایم این اے کی سفارش پرقیدی کو ایک روز قبل ڈسٹرکٹ ہیڈ کوارٹر اسپتال ریفر کیا لیکن 12گھنٹوں بعد ہی قیدی کو دوبارہ جیل منتقل کر دیا گیا اور وہ کچھ ہی گھنٹوں بعدفوت ہو گیا قیدی کے ورثاء نے الزام لگایا کہ سپریٹنڈنٹ جیل اور جیل کے دونوں ڈاکٹرز نے دانستہ طور پرقیدی کو موت کے منہ میں دھکیلا ہے قیدی کے لواحقین کا کہنا تھا کہ جب تک سپریتنڈنٹ جیل اور جیل کے دو ڈاکٹروں کے خلاف ایف آئی آر درج نہیں کی جاتی انکا احتجاج جاری رہے گا اور وہ میت کی تد فین نہیں کریں گے۔سپریٹنڈنٹ جیل مرزا ساجد بیگ سے انکاموقف جاننے کے لیئے رابطہ کیا گیا توانکا یہ کہنا تھا کہ قیدی محمد ریاض طویل عرصہ سے بیمار تھااسے دو مرتبہ ڈی ایچ کیو ہسپتال میانوالی علاج کے لیئے ریفر کیا گیا متعددڈاکٹروں نے اسکا چیک اپ کیا لیکن اسکی بیماری کسی کی سمجھ میں نہیں آسکی اور وہ فوت ہو گیا۔
