داؤدخیل (نامہ نگار) دو سال قبل محمد حیات خان شکور خیل پرویز خان سے اچانک چلنے والی گولی سے جاں بحق ہوگیاتھا۔جس کا مقدمہ پرویز خان امیرے خیل ،نذیر خان امیر ے خیل اور عطاء اللہ خان بہرام خیل کے خلاف تھانہ داؤدخیل میں درج ہوا۔ داؤدخیل کے سابق کونسلر وزیر خان لمے خیل ،نعمت اللہ خان بہرام خیل ، جاوید اقبال اعوان اور پیر سید شاکر شاہ کی بھر پور کوششوں کے بعد دونوں فریقین کے درمیان صلح طے ہوگئی۔ گزشتہ روزمقامی جامع مسجد میں صلح کی تقریب ہوئی ۔ مصلحین کی جانب سے ملزم پارٹی پر 16لاکھ روپے جرمانہ رکھا گیا۔ مقتول کے ورثا کی جانب سے د ولاکھ روپے معاف کردیئے ۔صلح کی تقریب میں لوگوں کی کثیر تعداد نے شرکت کی اور چاروں خاندانوں میں دشمنی ختم ہونے پر خوشی کا اظہار کیا۔ اس موقع پر مصلحین اور جاویدشاہ آف راولپنڈی،مرید رضا شاہ اور پیر شاکر شاہ نے کہا کہ صلح کرنا اچھا عمل ہے اور دو مسلمانوں بھائیوں کو آپس میں ملانے والے بھی بہت خوش قسمت انسان ہیں جن کی محنتوں سے صلح ہوئی اور انہوں نے اہم کردار اد اکیا انہوں نے کہا کہ اللہ کی نظر میں سب سے اچھا عمل معاف کر دینا ہے ۔
