داؤدخیل( ذوالفقارخان سے) تھل کینال پُل دس ہزار داؤدخیل سے لے کر میانوالی تک جگہ جگہ گہرے گڑھے کسی بھی وقت بڑے حادثے کا سبب بن سکتے ہیں۔ پُل دس ہزار داؤدخیل سے میانوالی کی طرف سوانس موڑسے آگے ڈیرہ استاد عمر خان تک ہائی وے شدید خستہ حالی کا شکار ہے۔ اکثر موٹر سائیکلز اور چھوٹی گاڑیوں والے تھل نہر کی پٹڑی استعمال کرتے ہیں۔ بارشوں کی وجہ سے تھل نہر کے دونوں اطراف کچی پٹڑی پر گہرے گڑھے پڑچکے ہیں۔کسی بھی وقت نہر ٹوٹ سکتی ہے۔ محکمہ انہار کے ذمہ داران انتہائی لاپرواہی کا مظاہرہ کررہے ہیں۔ موٹر سائیکلز اور چھوٹی گاڑیوں کی تھل کینال کی کچی پٹڑی سے آمد ورفت سے ایسے لگتاہے جیسے یہ شاہراہ عام ہو۔ کچی پٹڑیوں کی دیکھ بھال کی جاتی ہے نہ ہی ٹریفک کی روک تھام ۔ جس کی وجہ سے کسی بھی وقت بڑا حادثہ رونما ہوسکتاہے۔
