داؤدخیل (ذوالفقارخان ) بجلی کے بل دینے والوں کی پھرتیاں۔ کئی شہریوں کو بجلی کے بل موصول نہیں ہوئے جس کی وجہ سے سینکڑوں افراد کو جرمانہ کے ساتھ بل ادا کرنے پڑے۔ تفصیلات کے مطابق داؤدخیل کے کئی محلوں کی طرح محلہ امیر ے خیل میں بھی بجلی کے بل دینے والے ہوٹلوں اور دکانوں پر بل رکھ جاتے ہیں اور شہریوں کو بل نہ ملنے کی وجہ سے جرمانہ کے ساتھ ساتھ اگلے ماہ ڈبل بل کی اداےئگی مشکل ہو جاتی ہے۔ ان خیالات کا اظہار سماجی کارکن ماما حق نواز خان ،آصف خان ، مر ید احمد خان اور شفااللہ قریشی نے کیا۔ انہوں نے کہا کہ بل تقسیم والے کہیں بل رکھ کر چلے جاتے ہیں جو کہ عوام کو نہ ملنے کی وجہ سے ان کے بل جمع نہیں ہو سکتے ہیں اور پھر تاریخ گزر جانے کے بعد انہیں جر مانے کا ساتھ بل جمع کرانا پڑتا ہے ۔یہی حال محکمہ سوئی گیس کے بل تقسیم کرنے والوں کا بھی ہے ۔وہ بھی ہوٹلوں اور دوکانوں پر بل رکھ کر چلے جاتے ہیں۔ اہلیان داؤدخیل نے محکمہ واپڈا اور سوئی گیس کے اعلی افسران اور ڈی سی او میانوالی سے مطالبہ کیا ہے کہ بل تقسیم کرنے والوں کو تما م صارفین کے گھروں میں بل پہنچانے کا پابند بنایا جائے اور جرمانہ کی رقم تقسیم کاروں سے وصول کی جائے۔
