داؤد خیل: بلدیاتی الیکشن میں بھر پور حصہ لیں گے اور ہر وارڈ سے اپنے امیدوار لائیں گے : سماجی کارکنان
داؤدخیل (نامہ نگار)بلدیاتی الیکشن میں بھر پور حصہ لیں گے اور ہر وارڈ سے اپنے امیدوار لائیں گے ۔داؤدخیل کے ساتھ ہر دور میں سوتیلی ماں جیسا سلوک روا رکھا گیا ہے جس کی وجہ سے آج داؤدخیل کی حالت انتہائی بدتر ہو چکی ہے۔ ان خیالات کا اظہار داؤدخیل کے سماجی کارکنان خدا بخش بھورا ،حفیظ اللہ قریشی ،سردار خان اور سابق کونسلر وزیر خان نے میڈیا سے بات چیت کرتے ہوئے کیا۔ انہوں نے کہا کہ اگر حکومت کی جانب سے بلدیاتی الیکشن ہو ئے تو میونسپل کمیٹی داؤدخیل کے ہر وارڈ سے امیدوار لائیں گے اور اس بار کوشش کریں گے کہ داؤدخیل کے نوجوانوں کو الیکشن میں سامنے لائیں جو داؤدخیل کی بہتری کے لیے کام کریں۔ پیشہ ورسیاستدانوں کی بدولت داؤدخیل کی حالت انتہائی ابتر ہو چکی ہے ۔سیوریج کا نظام نہ صفائی کا موثر نظام ۔داؤدخیل کے ساتھ منتخب نمائندوں کی جانب سے سوتیلی ماں جیسا سلوک سمجھ سے بالاتر ہے۔ اب نوجوانوں کو داؤدخیل کی فلاح و بہبود کے لیے سیاسی میدان میں آنا ہو گا اور خود شہر کو بہتر بنانے کے لیے اقدامات کرنا ہونگے۔
Leave a Reply