داؤدخیل(نامہ نگار)سیف اللہ خان ایڈووکیٹ نے صحافیوں کو خصوصی گفتگو میں بتایاکہ ایس ڈی او امانت علی سرکاری گاڑی کا ناجائز استعمال کرتارہاہے۔ فاروق کالونی سرگودھامیں اپنے گھر پر اپنے پرائیویٹ ذاتی کاموں کے لیے بغیر ڈرائیور کے استعمال کرتاہے۔ انکوائری کرائی جائے کہ اگر سرکاری کام کے لیے استعمال ہوئی ہے تو ڈرائیور کہاں غائب ۔ ڈرائیور کو بھی شامل تفتیش کیاجائے۔انہوں نے کہاکہ میں نے ڈائریکٹر اینٹی کرپشن سرگودھا کو درخواست دائر کی تھی جس پر ریحانہ طارق صاحبہ انکوائری آفیسر مقرر ہوئیں ۔ انکوائری نمبر 172 اور 173 ہے۔ اگر انکوائری میرٹ پر نہ ہوئی تو محکمہ انیٹی کرپشن کے خلاف ہائی کورٹ میں رِٹ کروں گا۔