داؤدخیل(ذوالفقارخان)ایس ایچ او سٹی رانا شاہد سلطان ، محمد اکرم سب انسپکٹر ،محمد اقبال سب انسپکٹر، عبدالحق اے ایس آئی اور ان کی ٹیم نے ظفر اللہ عرف ظفرا ولد مدد خان سکنہ موچھ کے گھر کے نزدیک شارع عام جوا ء کھیلے جانے کی اطلاع پرچھاپہ مارا تو ظفر اللہ عرف ظفرا ولد مدد خان سکنہ موچھ، دوست محمد ولد عطا محمد قوم کندی سکنہ کندیاں ،شرافت علی ولد جماعت علی شاہ قوم سید سکنہ محلہ پنوں خیل ،غلام محمد عرف ممی ولد ملک بہادر قوم اترا سکنہ محلہ اترانوالہ ، محبت خان ولد رستم خان قوم پٹھان سکنہ سوانس جو ا کھیلتے ہوئے گرفتا رکر لیے اور ان کے قبضہ سے ایک سفید چادر 52پتے تاش اور داؤ پر لگی رقم 54900/-روپے بر آمد کی مزید تلاشی کرنے پر 2عدد موبائل برآمد کیے مزید بعد میں محلہ ہاشم شاہ میانوالی بیٹھک کلیم اللہ ولد عطا اللہ قوم پٹھان نتن خیل پر ریڈ کیا جہاں پر کلیم اللہ اور غلام محمد ولد بشیر احمد قوم ملک سکنہ بھکر حال محلہ ابراہیم آباد فینسی آلات پر جو اء کرارہے تھے جہاں پر غلام محمد ولد بشیر احمد کو قابو کر لیا جبکہ کلیم اللہ ولد عطا اللہ فرار ہو گیا۔ موقع سے آلات فینسی جوا ء وائرلیس فون 10عدد، لیپ ٹاپ ڈیل برنگ سلور ایک عدد، ڈش ریسیور 1عدد ، کیلکولیٹر ایک عدد، ایل ای ڈی مارک سونی ایک عدد، ریموٹ کنٹرول تین عدد، کی بورٖڈ دو عدد ، سپیکر چھوٹے 3عدد، سپیکر بڑا ایک عدد، چارجرز 10عدد، لکڑی کا بکس 1عدد، لیڈ ایک عدد ، رجسٹر 4عدد، کاپیاں 3عدد اورڈائری ایک عد د بر آمد ہوئے۔ رجسٹر چیک کرنے پر خالد قریشی ،رانا قیصر عرف شیر و،بلال خان ولد مہر خان ،ملک ظفر عرف لالا ملک، کاکو قصائی ، حاجی شفاء اللہ ، عیسیٰ خان درزی ،نعمت شاہ کندیاں ، ظفر خان، حبیب اللہ ولیدڑا ، عابد قصاب ، عارف کمر مشانی ،یونس قصائی اورآصفْ قصائی وغیرہ کے ساتھ ان کی بلنگ تھی۔ مقدمات درج کرکے تفتیش شروع کردی گئی ہے۔
