داؤدخیل: سرگودھا بورڈ کی طرف سے امتحانی مراکز کے معائنہ کے لیے انسپکٹرایس ایس ملک مسعود احمد کا دورہ
داؤدخیل(ذوالفقارخان) بورڈ آف انٹرمیڈیٹ اینڈ سیکنڈری ایجوکیشن سرگودھا کی طرف سے امتحان مراکز کے معائنہ کے لیے مقرر کردہ انسپکٹرایس ایس ملک مسعود احمد نے گزشتہ روز گورنمنٹ بوائز ہائی سکول پکی شاہمردان کے امتحانی مرکز کا دورہ کیا۔ انسپکٹر مسعود احمد نے امتحانی انتظامات کو تسلی بخش قرار دیتے ہوئے کہاکہ اگر امتحانی سنٹرز پر بہتر انتظامات ہوں اور نقل کی حوصلہ شکنی کی جائے تو اس سے ہمارا معیار تعلیم بلند ہوگا۔انہوں نے کہاکہ یہ طلبا و طالبات کا کمبائن سنٹر ہے جو احسن طریقے سے چلایاجارہاہے۔انہوں نے واضح کیاکہ کوئی بھی طالب علم اگر ناجائز ذریعہ استعمال کرتے ہوئے پکڑا جائے تو فی الفور اُس کے خلاف سخت قانونی کارروائی عمل میں لائی جائے۔ کسی بھی بدنظمی کی صورت میں مقامی پولیس کو اطلاع دی جائے۔بورڈ کے انسپکٹر نے سکول کے ہیڈماسٹر جاوید اقبال ملک اور سابق ایس ایس غلام عباس اعوان کے ساتھ سکول کا دورہ بھی کیا۔
Leave a Reply