داؤدخیل: داؤدخیل کے قصبہ ڈیرہ ٹوکانوالہ میں قائم این آر ایس پی کے سائٹ آفس میں دن دیہاڑے ڈکیتی
داؤدخیل(ذوالفقارخان) داؤدخیل رُورل کے قصبہ ڈیرہ ٹوکانوالہ میں قائم این آر ایس پی کے سائٹ آفس میں دن دیہاڑے ڈاکا۔ ڈاکواسلحہ کے زور پر ہزاروں روپے لوٹ کر فرار ہوگئے۔ تفصیلات کے مطابق گزشتہ دوپہر دو مسلح ڈاکو این آر ایس پی کے مذکورہ دفتر میں داخل ہوئے ۔ ایک ڈاکو نے دفتر میں موجود اہلکار باقر شاہ پر پسٹل تان لیا اور دوسرے ڈاکو نے دراز سے رقم نکالی اور فوری طور پر قریب کھیتوں سے ہوتے ہوئے موقع سے فرار ہوگئے۔ این آر ایس پی کے ایک اہلکارنزاکت حسین ملک نے بتایاکہ تقریباََ 28750 روپے اُس وقت دفتر میں موجود تھے جو ڈاکو لے گئے۔ تھانہ داؤدخیل میں اطلاع کردی گئی۔ پولیس جائے وقوعہ کا معائنہ کرنے کے بعد مصروف تفتیش ہے۔
Short URL: http://tinyurl.com/j86l9g6
QR Code: 
Leave a Reply