داؤدخیل (نامہ نگار )گزشتہ روز ہونے والی بارش کے بعد داؤدخیل شہر میں 14گھنٹے بجلی بند رہی بارش کی وجہ سے داؤدخیل میں لائن کے تین بجلی کے کھمبے گر گئے جس سے داؤدخیل شہر کے کئی محلوں کی بجلی بند ہو گئی جب کہ پائی خیل لائن پر بھی بجلی کا کھمبا گرنے سے 16گھنٹے بجلی کی سپلائی بند رہی جس سے عوام کو شدید مشکلات کا سامنا رہا واضح رہے کہ بجلی کے کئی پول بوسیدہ ہو چکے ہیں اور جب بھی آندھی آتی ہے تو کوئی نہ کوئی بجلی کا پول گر جاتا ہے اور کئی بار بجلی کے پول گرنے سے حادثات ہو چکے ہیں لیکن محکمہ واپڈا کا عملہ ٹس سے مس نہیں ہوتا ہے شیر شاہ سوری روڈ پر نئے بجلی کے پولزکو لگے دو سال سے زائد کا عرصہ گزر گیا ہے لیکن ابھی تک ان پر بجلی کی تاروں کو تبدیل نہیں کیا گیا ہے جس کی وجہ سے کئی بار پرانے کھمبوں پر لگی تاریں زمین پر گر جاتی ہیں ۔جس سے کسی بھی وقت کوئی جان لیواحادثہ رونماہو سکتا ہے اہلیان داؤدخیل نے ایکسین واپڈا سے مطالبہ کیا ہے کہ ان بجلی کے بوسیدہ پولزسے تار یں اتار کر نئے بجلی کے پولزپر نصب کی جائیں۔اگر کوئی بھی حادثہ ہوا تو اس کی تمام تر ذمہ داری محکمہ واپڈا کے افسران پر ہو گی۔

QR Code: