تعارف :جس شخصیت کا ذکر میں کرنے جارہا ہوں ان کی وجہ شہرت حضور نبی کریم ﷺکی حمد وثناء ہے ان کا نام گرامی باباجی صوفی عبدالحق نقشبندی مجددی لاثانی ؒ ہے آپ فاروق آباد کے مقبول ترین نعت خواں تھے آپ نے ساری زندگی نبی کریمﷺ کی نعت گوئی میں صرف کردی ،نماز فجر سے قبل اور نماز عشاء کے بعد دیر تک حضور سرور کائنات پر درود و سلام پیش کرتے رہے ان کو اعزاز حاصل ہے کہ آپ نے فاروق آباد کی ہر ایک مسجد میں نبی پاک ﷺ کی ثنا کی حتیٰ کہ آپ نے روضہ رسول ﷺ مسجد نبوی،مسجد حرام اور غار حرا سمیت متعددمقدس مقامات پر بھی درود و سلام پیش کیا ،مسجد نبوی اور مسجد حرام میں چونکہ سعودی حکومت کے قوانین کے مطابق نعت شریف گوئی پر معانعت ہے لیکن آپ نے اس مقامِ عظیم پر بھی نعت شریف پڑھنے کی سعادت حاصل کی ہے ،باباجی صوفی عبدالحق نقشبندی ؒ عزم و ہمت اور شرافت کا پیکرتھے فاروق آباد کے معروف صحافی بابر بھائی آپ کے جگر گوشہ ہیں آپ برصغیر کے عظیم صوفی بزرگ اور روحانی پیشوا پیر سید علی حسین شاہ ؒ لاثانی علی پور سیداں شریف ،کے مرید خاص تھے ان کے علاوہ آپ صوفی عبدالحکیم چشتی صابری ،صاحبزادہ صوفی غلام فرید چشتی صابری اور پیر صوفی صادق علی صابرچشتی نظامی سے بھی دلی محبت اورعقیدت رکھتے اور اکثر اوقات ان کی رفاقت میں رہتے تھے اولیا اللہ سے دلی لگاؤکی وجہ سے باباجی صوفی عبدالحق نقشبندی دربار عالیہ حضور داتا علی ہجویری ،دربارشریف پیر جماعت علی شاہ لاثانی،دربار شریف صوفی عبدالحکیم چشتی صابری ،دربار شریف پیر سید عباس علی شاہ ،دربار شریف باباجی نواب الدین مجددی اوردربار شریف پیر صوفی صادق علی صابر چشتی سمیت درجنوں آستانوں کے درباری نعت خانوں میں شمار ہوتے تھے اور ان درباروں پر حاضری کا تسلسل 40سے 50سال کی طویل زندگی پر مشتمل ہے آپ نے اپنی زند گی اولیا اکرام کی عقیدت اور سرکار مدینہ ﷺکے عشق میں بسر کی 30ربیع الاول شریف کی آخری رات تھی نماز مغرب باجماعت ادا کرنے کے بعد اپنی بیٹی کے گھر میں جاکر نعت شریف پڑھی نماز عشاء مسجد میں باجماعت ادا کی اور مسجد میں ہی منعقدہ محفل میلاد میں نعت شریف پڑھی درودوسلام پیش کیا اور تقریباً10:30بجے گھر واپس آکر چارپائی پر بیٹھ گئے تکیہ کے ساتھ ٹیک لگا کر درود شریف پیش کرتے کرتے خالق حقیقی سے جاملے (اناللہ و انا علیہ راجیعون)۔
