پشاور (سٹی رپورٹر) زیر نظر تصاویر سول سیکرٹریٹ پشاور میں منسٹر بلاک کی ہیں جن کی دیواریں کریک ہو چکی ہیں- بتایا جاتا ہے کہ یہ زلزلے سے کریک ہوئی ہیں لیکن یہ صرف ایک بلڈنگ نہیں بلکہ بیشتر بلڈنگز اسی طرح کریک کا شکار ہیں- کوئی اسے عوامی نیشنل پارٹی کے دور میں تعمیر بتاتا ہے اور کوئی پی ٹی آئی کے دور میں ، یہاں ایسے بلڈنگ بھی موجود ہیں جو صرف ڈھائی سال قبل بنے ہیں لیکن کریک کا شکار ہیں اور کسی بھی وقت بڑے حادثے کو جنم دے سکتے ہیں- یہ الگ سوال ہے ، لیکن عوام کا یہ سوال ہے کہ کیا ہمارے ٹیکسوں کا پیسہ ایسے بلڈنگز پر استعمال ہوتا ہے کیا سی اینڈ ڈبلیو کا محکمہ صرف نام کا رہ گیا ہے یا مخصوص ٹھیکیداروں کو نوازنے کیلئے یہ سلسلہ شروع کیا گیا ہے- تاکہ بلڈنگز بنتے رہے اور مخصوص لوگوں کے جیب بھرتے رہیں-کام تو ویسے بھی شہریوں کی حکومتی ادارے نہیں کرتے- صرف انسٹی ٹیوشن کے نام پر بڑی بڑی بلڈنگز بنتی ہیں ، اربوں روپے لگتے ہیں- مخصوص ٹھیکیداروں کو ٹھیکے ملتے ہیں- مخصوص افسران کو کمیشن ملتے ہیں- قرضے پر قرضے لئے جارہے ہیں لیکن اس کا بوجھ عوام سے نکالا جارہا ہے- اس کی چھان بین کون کریگا- کیاآنکھوں والے اندھے ہیں یا ان کے دلوں پر مہر لگے ہوئے ہیں
