پشاور (سٹی رپورٹر) جمعیت علماے اسلام ف کے مرکزی امیر کی کال پر جے یو آئ ف فاٹا کے جنرل سیکرٹری مفتی محمد اعجاز شینواری کی قیادت میں حرمین شریفین کی تحفظ اور کشمیری مسلمانوں کے ساتھ انڈیا کے مظالم کے خلاف لنڈیکوتل بازار میں ایک اختجاجی مظاہرہ اور ریلی نکالی گئی، ریلی میں جے یو آئی ف کے رہنماوں کے علاوہ درجنوں رضاکاروں اور قبائلی عوام نے شرکت کی، مظاہرین سے خطاب کرتے ہوے جے یو آئی ف فاٹا کے جنرل سیکرٹری مفتی محمد اعجاز شینواری نے کہا کہ انڈین فوجوں نے معصوم کشمیری مسلمانوں کے ساتھ مظالم کی نئی تاریخ رقم کردی ہے، انھوں نےکہا کہ حرمین شریفین کے تحفظ کے لئے پاکستان اور فاٹا کے مسلمان ہر وقت اپنی جانوں کے نذرانے کے لئے تیار ہیں۔ انھوں نے ایران، اسرائیل اور امریکہ کو سعودی میں امن خراب کرنے کی ذمہ دار ٹھراتے ہوے انھیں شدید تنقید کا نشانہ بنایا، مظاہرین نے بینرز اٹھا رکھے تھے جن پر کشمیری مسلمانوں کی حق میں نعرے درج تھے، مظآہرین نے انڈیا کے خلاف نعرہ بازی کی۔ اس موقع پر جے یو آئی ف خیبر ایجنسی کے سیکرٹری اطلاعات جہاد شاہ افریدی، لنڈیکوتل کے امیر قاری مجاھد خان، مولانا تحسین اللہ اور حکم خان شینواری بھی موجودے تھے۔