ٹرک نے موٹر سائیکل سوار جواں سالہ محمد خلیل کو کچل دیا ،نماز جنازہ میں ماں فاؤنڈیشن کے صدر سیٹھ افتخار احمد سمیت سینکڑوں معززین علاقہ نے شرکت کی ۔بتایا گیا ہے کہ گورونانک پورہ بس سٹاپ کے قریب موٹر سائیکل پر سوار نوجوان خلیل اپنے کزن کے ہمراہ دوائی لینے کیلئے آرہا تھا کہ تیز رفتاری کے باعث مخالف سمت سے آنے والے موٹرسائیکل سے ٹکرا گیا اسی دوران پیچھے سے آنے والے لوڈر ٹرک نے اسے کچل دیا جس سے خلیل موقع پر جاں بحق ہوگیا اور اس کا کزن معمولی زخمی ہوگیا متوفی خلیل ڈیرہ اوڈا والا کا رہائشی اور ایک کمسن بچی کا باپ تھا جسے آج نماز جنازہ کے بعد سپر دخاک کردیا گیا ۔
