ورلڈ کونسل آف ریلیجنزپاکستان کے زیر اہتما م پر وقار عشائیہ کا اہتمام مقامی چرچ میں کیا گیا۔شرکا میں مختلف مذاہب سے تعلق رکھنے والے مذہبی سکالرز ، وکلا،حکومتی عہدہ دار بھی شامل تھے۔جن میں مولانا طاہرالمحموداشرفی،پیر شفایت رسول،پیر سید اصف علی گیلانی،ڈاکٹر الباری،کے علاوہ پاسٹر شہباز الحق،پاسٹر ہدایت اسی،پادری سلیم کھوکھر،امتیاز اللہ، پاسٹر روکی ،اکمل اویسی،حافظ محمد سلیم اورآصف سردارشامل تھے اس پروگرام کا مقصد دنیا کو یہ پیغام دینا تھاکہ تمام مذاہب امن و سلامتی کا پیغام دیتے ہیں۔اور اس تصور کو فروغ دینے کی کوشش تھی کہ تمام مذاہب ایک دوسرے کے ساتھ مل جل کہ رہ سکتے ہیں۔شرکا نے فلسطین میں اسرایلی بربریت کی مذمت کی۔انہوں نے اس اہم مسلہ پر اقوام متحدہ اور انسانی حقوق پر کام کرنے والی بین الاقوامی تنظیموں کی خاموشی پر بھی تشویش کا اظہار کیا۔مولانہ اشرفی صاحب نے ورلڈ کونسل آف ریلیجنز کی کوششوں کو سراہتے ہوے کہاکہ موجودہ حالات میں کہ ملک میں دہشت گردوں کے خلاف اپریشن جاری ھے اس طرح کے پروگرام ہوتے رہنے چاہیے۔تا کہ ایک دوسرے کے مذاہب کے بارے میں موجود غلط فہمیوں کو دور کیا جا سکے۔تمام شرکا نے افواج پاکستان سے بھی یکجہتی کا اظہار کیا۔حافظ محمد نعمان نے کہا کہ اس مشکل دور میں ہمیں نقل مکانی کرنے والے بھایوں کو نیں بھولنا چاہیے۔اور ان کی دل کھول کر امداد کرنی چاہیے۔
