داؤدخیل (نامہ نگار )داؤدخیل میں میونسپل کیمٹی کے سی او کی ناقص پالیسیسوں کی وجہ سے جگہ جگہ گندگی کے ڈھیر اور سیوریج کے گندے پانی کی وجہ سے جلدی بیماریاں پھیل رہی ہیں وہی ڈینگی مچھر کی افزائش بھی ہو رہی ہے جس کی وجہ سے کئی افراد کو ڈینگی مچھر سے خطرات لاحق ہیں تفصیلات کے مطابق داؤدخیل کے محلہ امیرے خیل ،شریف خیل ،سمال خیل ،نئی آبادی میں کھڑا سیوریج کا گندہ پانی جہاں کئی بیماریاں پھیلانے کا سبب بن رہاہے وہی ڈینگی مچھر کی افزائش کا بھی خطرہ ہے ۔ ابھی تک ڈینگی سپرے تک نہیں کیا گیا ہے ۔سماجی راہنما ضیااللہ نیازی نے کہاکہ حکومت پنجاب کی جانب سے ڈینگی مکاؤ مہم پر لاکھوں روپے خرچ کیے جا رہے ہیں لیکن داؤدخیل میونسپل کمیٹی کے سی او منیر جعفری شہر پر توجہ دینے کی بجائے مال بنانے کے چکر میں مصروف ہے۔ شہر کے نام پر ا سوقت تک کئی ترقیاتی کاموں کے بوگس بل بنوا کر لاکھوں روپے ہڑپ کر چکا ہے لیکن محکمہ کی جانب سے کوئی کارروائی نہیں کی جا رہی ہے اس وقت شہر میں ہر طرف گندگی کے ڈھیر اور سیوریج کا گندہ پانی عوام میں بیماریاں بانٹنے کا سبب بن رہا ہے اہلیان داؤدخیل نے وزیر اعلی پنجاب میاں شہباز شریف اور ڈی سی ا ومیانوالی مصطفی شیخ سے اپیل کی ہے کہ فوری طور پر سیوریج کے گندے پانی اور گندگی کے ڈھیروں کو صاف کرا کے اہل علاقہ کو ڈینگی اور بیماریوں سے بچایا جائے ۔
