داؤدخیل(نامہ نگار)محلہ ریلوے اسٹیشن داؤدخیل کوترقیاتی سکیموں میں سے مناسب حصہ دیا جائے۔حاجی عبیداللہ خان شادی خیل ایم این اے کو ہمیشہ ووٹ دیالیکن ہمیشہ ہی اس محلے کو نظر انداز کردیاجاتاہے۔محلے کے رہائشیوں حبیب اللہ خان ،حفیظ اللہ خان ،نصر اللہ خان اور محمدشاہد نے بتایاکہ انکے محلے میںآ ج تک کوئی ترقیاتی کام نہیں ہوانہ تو کہیں سولنگ لگائی گئی نہ ہی کسی گلی میں پی سی سی سلیبز بنائی گئی۔ اب انہیںیقین ہے کہ حاجی عبیداللہ خان شادی خیل ہمارے محلے سے ترقیاتی پراجیکٹس کاافتتاح کر کے اس سلسلے کوشروع کریں گے۔انہوں نے مزیدکہا کہ ایم این اے حاجی عبیداللہ خان شادی خیل محلہ کنوارے خیل روڈ اور ریلوے روڈ کوراجباہ کے ساتھ ساتھ سڑک بنوا کر ملادیں تو عوام کو بہت آسانی رہے گی راجباہ کے ساتھ کچہ راستہ پربارشوں کے دوران لوگوں کو شدید مشکلات درپیش رہتی ہیں۔انہوں نے امید ظاہر کی کہ حاجی عبیداللہ خان شادی خیل اپنے ووٹروں پر نظرِ کرم فرمائیں گے ۔
