داؤدخیل(ذوالفقارخان) فرٹیلائزر فیکٹری داؤدخیل کئی ماہ کے بندش کے بعد گیس ملنے پر چل گئی۔ مزدوروں میں خوشی کی لہر دوڑ گئی۔ تفصیلات کے مطابق پاک امریکن فرٹیلائزر فیکٹری جو پرائیویٹائزیشن کے بعد ایزگارڈ نائن اور بعدازاں ایگری ٹیک کے نام سے چل رہی تھی۔ پچھلے کئی سالوں سے گیس کی عدم فراہمی کے وجہ سے کئی کئی ماہ بندش کے مراحل سے گزرتی آئی ہے۔ اب بھی پچھلے دو سال کے دوران صرف تقریباََ دو ماہ ہی چل سکی۔ پچھلے کئی ماہ سے مزدوروں کو نصف سے بھی کم تنخواہ پر ملازمت کرنا پڑرہی تھی جب کہ دیگر مراعات میں بھی تخفیف کردی گئی تھی۔فیکٹری کے مسلسل چلنے سے مزدوروں کی تنخواہ اور دیگر مراعات بھی بحال ہوجائیں گی۔فیکٹری کے چلنے سے فیکٹری ملازمین کے ساتھ ساتھ ٹرانسپورٹ ، دیگر کاروبارسے ہزاروں افراد مستفید ہونگے اور ملک میں کھاد کی کمی کو پورا کرنے میں بھی مدد ملے گی۔
