داؤدخیل( ذوالفقارخان) تقسیم سے پہلے فرقہ واریت صرف مناظرے کی حد تک تھی ۔ ہندو مسلم بھائی چارہ بھی مثالی تھا۔ ہندو پڑھے لکھے اور ہم تعلیم سے بھاگتے تھے۔ رام ڈیوایا اور میوہ رام جیسے اساتذہ کی عظمت آج بھی دِ ل میں زندہ ہے۔ آج کی پولیس کودیکھتاہوں تو اُس وقت کی پولیس ولیوں کی جماعت لگتی ہے۔ بے خوف دن رات خواتین سفر کرتیں تھیں مگر اب چاردیواری کے اندر بھی ڈر لگتاہے۔ یہ باتیں زندگی کی سنچری مکمل کرنے والے بہادر خان اور اُن کی نوے سالہ ہمسفر شہربانونے گزشتہ روز نمائندہ کو حالاتِ زیست بیان کرتے ہوئے کہیں۔ بہادرخان نے کہاکہ ہمارا آبائی قصبہ داؤدخیل سے ملحقہ خیر آباد ہے۔ جہاں ہندو مسلم اکٹھے رہتے تھے۔ مثالی بھائی چارہ قائم تھا۔ ہندو پڑھے لکھے، شریف اور صاف گو تھے۔زیادہ تر کاروبار ہندو کرتے۔ بددیانتی نہیں تھی۔ہم ایک دوسرے کے دکھ درد میں شریک ہوتے۔ حتیٰ کہ داؤدخیل کے چاندی رام نامی ہندو نے میرے نوجوان بھائی شیرخان کی وفات پر میرے والد کو کفن کا کپڑا بھیجا۔شادی بیاہ اور فوتگی پر روٹی وغیرہ پکا کر بھیجتے تھے۔بہادرخان نے کہاکہ بچپن میں کوئی کھیل نہیں تھا ، بس کھیتوں کی پگڈنڈیوں پر بھاگنا اور ریل گاڑی کی کُو کُو اور چھَک چھُک سن کے خوش ہوتے اور تالیاں بجاتے۔ بہادر خان نے فرقہ واریت کے سوال پر کہاکہ اُس وقت مسلمانوں کی آپس میں فرقہ واریت کو تو چھوڑیں ، ہندو مسلم کے درمیان بھی فرقہ واریت کی بجائے مثالی بھائی چارہ قائم تھا۔ البتہ سُنی شیعہ کے درمیان کبھی کبھی مناظرے ہوجاتے تھے۔ لیکن ایک دوسرے کو برداشت کیاجاتاتھا۔ قتل و غارت نام کی بیماری کا اُس وقت نام و نشان تک نہ تھا۔ گورنر مغربی پاکستان نواب آف کالاباغ ملک امیر محمد خان کبڈی وغیرہ کے مقابلوں کے شوقین تھے۔ اُن کے پروگرامز میں کبھی کبھی شرکت کرتے تھے۔ نواب آف کالاباغ کو زراعت سے بہت لگاؤ تھا۔میرے والد عالم خان کے ساتھ نواب صاحب کا اعتماد کا تعلق تھا۔
آج معاشرے میں عدم تحفظ اور پولیس کی کارکردگی دیکھتے ہیں تو تقسیم سے قبل کی پولیس ولیوں کی جماعت لگتی ہے۔ہرکسی کی جان و مال محفوظ تھے۔ کمزور کو پولیس کی وجہ سے بہت تحفظ حاصل تھا۔کسی بدمعاش سے رعایت نہیں برتی جاتی تھی۔کوئی بھی سزا سے نہیں بچ سکتاتھا۔ بہادر خان نے بتایاکہ جوانی میں سینما پر فلمیں بھی دیکھیں۔ اب تو سینما بھی بند ہوگئے۔ اُس وقت خواتین کا معاشرے میں کردار بہت جاندار تھا۔ حتیٰ کہ ماڑی انڈس نواب آف کالاباغ کے سینما پر ہم سنتے تھے کہ کئی معززین کی خواتین بھی جاتی تھیں۔ بہادر خان کی ہمسفربزرگ محترمہ شہربانو نے بتایاکہ ہم خواتین دس پندرہ کلومیٹر کا سفر اکیلے ایک گاؤں سے دوسرے گاؤں تک کرتے تھے۔ لیکن مجال ہے جو کبھی ڈر یا خوف ہو۔ سب لوگ خواتین کا احترام کرتے تھے۔ حتیٰ کہ غنڈے بدمعاش بھی خواتین کو اپنی ماں بہن کا درجہ دیتے تھے۔اُس وقت مکانوں کی چاردیواری کا تصور بھی نہیں تھا مگر اب تو چاردیواری کے اندر بھی خوف لگتارہتاہے۔ شہربانو نے کہاکہ اُس وقت پیار محبت تھا۔ آپس میں رشتوں کا احترام تھا۔ اب تو نفسا نفسی کا عالم ہے۔اُس وقت شُکر کا جذبہ بہت زیادہ تھا۔ اب حرص و ہوس اور ناشکری بڑھ گئی ہے ۔بہادر خان اور اُن کی بیوی شہربانو بہت خود دار ہیں۔ کسی انسان کے سہارے کے بجائے بے جان لاٹھی کا سہارا پسند کرتے ہیں۔ اب بھی دور دراز کا سفر کرتے رہتے ہیں۔بہادر خان کچھ عرصہ پہلے تک باقاعدہ سائیکل چلاتے رہے ہیں۔ اٹھارویں صدی کے اوائل میں پرائمری تک تعلیم حاصل کی۔بہادر خان کی ایک بہن اور چار بھائی تھے۔ جن میں سے بہن اور ایک بھائی نورمحمد اعوان حیات ہیں۔ نورمحمد اعوان ضلع بھکرمیں رہائش پذیر ہیں ۔وہاں وہ بطور ہیڈماسٹر ریٹائرہوئے ہیں۔نورمحمد اعوان کا ایک بیٹا حمید ملک انجینئر، ایک بیٹا سلیمان ملک سرگودھا بورڈ میں آفیسر اور ایک بیٹا داؤد ملک محکمہ تعلیم میں ایس ایس ہے جبکہ دو بیٹیاں بھی محکمہ تعلیم میں اچھے گریڈ میں ملازمت کررہی ہیں۔ بہادر خان اور شہر بانو کی چار بیٹیاں اور چار بیٹے ہیں۔ ایک بیٹا عبدالعزیز فاروق اب محکمہ تعلیم سے ریٹائرہونے والے ہیں۔ایک بیٹا عبدالستار کسان ہے۔محمد شریف محکمہ پولیس میں ہے جبکہ بیٹا محمد لطیف ذہنی معذور ہے۔اب ان کے پوتوں ،پوتیوں اور نواسے نواسیوں کی بھی اولاد ہوچکی ہے۔بہادرخان اور شہربانو نے حج کی سعادت بھی حاصل کرلی ہے۔ اب بھی بہادر خان قریبی قصبہ میں باقاعدہ جمعہ پڑھنے کے لیے جاتے ہیں۔ بینائی اب بھی ٹھیک ہے۔ قرآن اور اخبار کا مطالعہ معمول ہے۔ اپنے پرائمری اساتذہ رام ڈیوایا ، میوہ رام اور عیسب خان کوبہت یاد کرتے ہیں۔قیامِ پاکستان اور ہندوؤں کی ہجرت کے لمحات پر چہرے کے تاثرات عجیب سے ہونے لگتے ہیں۔قائداعظم کا اُس وقت نام سُنا تھا۔یہ خاندان کافی عرصہ سے خیرآباد کے قریب سوڑا نامی گاؤں میں اپنی زمینوں پہ آباد ہیں۔یہاں کے پنسلین، سیمنٹ، کھاد اور رنگ کے کارخانے بہادر خان کے ہاتھوں لگائے ہوئے ہیں دیگر سینکڑوں مقامی لوگوں کی طرح ان کاخاندان بھی نوکریوں سے محروم ہے۔ تیئس مارچ انیس سو چالیس اور چودہ پندرہ اگست انیس سو سنتالیس کی یادیں دل و دماغ میں گھر کیے ہوئے ہیں۔اُس وقت کے بھائی چارے، امن او ر پیار محبت کو یہ بزرگ جوڑا بار بار یاد کرتاہے۔
آج معاشرے میں عدم تحفظ اور پولیس کی کارکردگی دیکھتے ہیں تو تقسیم سے قبل کی پولیس ولیوں کی جماعت لگتی ہے۔ہرکسی کی جان و مال محفوظ تھے۔ کمزور کو پولیس کی وجہ سے بہت تحفظ حاصل تھا۔کسی بدمعاش سے رعایت نہیں برتی جاتی تھی۔کوئی بھی سزا سے نہیں بچ سکتاتھا۔ بہادر خان نے بتایاکہ جوانی میں سینما پر فلمیں بھی دیکھیں۔ اب تو سینما بھی بند ہوگئے۔ اُس وقت خواتین کا معاشرے میں کردار بہت جاندار تھا۔ حتیٰ کہ ماڑی انڈس نواب آف کالاباغ کے سینما پر ہم سنتے تھے کہ کئی معززین کی خواتین بھی جاتی تھیں۔ بہادر خان کی ہمسفربزرگ محترمہ شہربانو نے بتایاکہ ہم خواتین دس پندرہ کلومیٹر کا سفر اکیلے ایک گاؤں سے دوسرے گاؤں تک کرتے تھے۔ لیکن مجال ہے جو کبھی ڈر یا خوف ہو۔ سب لوگ خواتین کا احترام کرتے تھے۔ حتیٰ کہ غنڈے بدمعاش بھی خواتین کو اپنی ماں بہن کا درجہ دیتے تھے۔اُس وقت مکانوں کی چاردیواری کا تصور بھی نہیں تھا مگر اب تو چاردیواری کے اندر بھی خوف لگتارہتاہے۔ شہربانو نے کہاکہ اُس وقت پیار محبت تھا۔ آپس میں رشتوں کا احترام تھا۔ اب تو نفسا نفسی کا عالم ہے۔اُس وقت شُکر کا جذبہ بہت زیادہ تھا۔ اب حرص و ہوس اور ناشکری بڑھ گئی ہے ۔بہادر خان اور اُن کی بیوی شہربانو بہت خود دار ہیں۔ کسی انسان کے سہارے کے بجائے بے جان لاٹھی کا سہارا پسند کرتے ہیں۔ اب بھی دور دراز کا سفر کرتے رہتے ہیں۔بہادر خان کچھ عرصہ پہلے تک باقاعدہ سائیکل چلاتے رہے ہیں۔ اٹھارویں صدی کے اوائل میں پرائمری تک تعلیم حاصل کی۔بہادر خان کی ایک بہن اور چار بھائی تھے۔ جن میں سے بہن اور ایک بھائی نورمحمد اعوان حیات ہیں۔ نورمحمد اعوان ضلع بھکرمیں رہائش پذیر ہیں ۔وہاں وہ بطور ہیڈماسٹر ریٹائرہوئے ہیں۔نورمحمد اعوان کا ایک بیٹا حمید ملک انجینئر، ایک بیٹا سلیمان ملک سرگودھا بورڈ میں آفیسر اور ایک بیٹا داؤد ملک محکمہ تعلیم میں ایس ایس ہے جبکہ دو بیٹیاں بھی محکمہ تعلیم میں اچھے گریڈ میں ملازمت کررہی ہیں۔ بہادر خان اور شہر بانو کی چار بیٹیاں اور چار بیٹے ہیں۔ ایک بیٹا عبدالعزیز فاروق اب محکمہ تعلیم سے ریٹائرہونے والے ہیں۔ایک بیٹا عبدالستار کسان ہے۔محمد شریف محکمہ پولیس میں ہے جبکہ بیٹا محمد لطیف ذہنی معذور ہے۔اب ان کے پوتوں ،پوتیوں اور نواسے نواسیوں کی بھی اولاد ہوچکی ہے۔بہادرخان اور شہربانو نے حج کی سعادت بھی حاصل کرلی ہے۔ اب بھی بہادر خان قریبی قصبہ میں باقاعدہ جمعہ پڑھنے کے لیے جاتے ہیں۔ بینائی اب بھی ٹھیک ہے۔ قرآن اور اخبار کا مطالعہ معمول ہے۔ اپنے پرائمری اساتذہ رام ڈیوایا ، میوہ رام اور عیسب خان کوبہت یاد کرتے ہیں۔قیامِ پاکستان اور ہندوؤں کی ہجرت کے لمحات پر چہرے کے تاثرات عجیب سے ہونے لگتے ہیں۔قائداعظم کا اُس وقت نام سُنا تھا۔یہ خاندان کافی عرصہ سے خیرآباد کے قریب سوڑا نامی گاؤں میں اپنی زمینوں پہ آباد ہیں۔یہاں کے پنسلین، سیمنٹ، کھاد اور رنگ کے کارخانے بہادر خان کے ہاتھوں لگائے ہوئے ہیں دیگر سینکڑوں مقامی لوگوں کی طرح ان کاخاندان بھی نوکریوں سے محروم ہے۔ تیئس مارچ انیس سو چالیس اور چودہ پندرہ اگست انیس سو سنتالیس کی یادیں دل و دماغ میں گھر کیے ہوئے ہیں۔اُس وقت کے بھائی چارے، امن او ر پیار محبت کو یہ بزرگ جوڑا بار بار یاد کرتاہے۔
