داؤدخیل (ذوالفقارخان)شیر شاہ سوری روڈ پر لگے بجلی کے پول عوام کے لیے وبال جان بن گئے ہیں۔ ٹریفک گزرنے میں شدید مشکلات ہوتی ہیں ۔ ان پولزکی تاریں نیچے ہونے کی وجہ سے اکثر ہیوی ٹریفک ان ہائی وولٹیج تاروں سے ٹکرا جاتی ہے جو کسی بھی وقت جانی حادثے کا سبب بن سکتی ہے۔سابقہ دور میں ان پولزکو شیر شاہ سوری روڈ سے ہٹانے کے لیے تقریبا ساڑھے دس لاکھ روپے کے فنڈز دیے گئے لیکن نئے لگنے والے پولز پر کچھ تاریں لگا کرکام ادھورا چھوڑ دیاگیا۔محکمہ واپڈا کے افسران سے رابطہ پر کہتے ہیں کہ اگلے ہفتے کام شروع کر دیں گے لیکن تاحال نہ ہی بجلی کے پولز ہٹائے گئے ہیں اور نہ ہی نئی تاریں لگائی گئیں۔ عزیزاللہ خان، حاجی ظفراللہ خان،مظفر خان،ملک امیرنواز ودیگر شہریوں نے واپڈا اور ضلع انتظامیہ سے مطالبہ کیا ہے کہ فوری طور پر سڑک کے درمیان لگے بجلی کے کھمبوں کو ہٹایا جائے اور نئی تاریں لگا کر عوام کو مشکلات سے نجات دالائی جائے ۔
