ٖداؤدخیل(ذوالفقارخان) ڈی پی اومیانوالی مجاہد اکبر خان کی ہدایت پرایس پی لیگل محمد اقبال ملک نے ڈی پی او آفس میں قومی رضا کاروں کو 2ماہ کی تنخواہ کے چیک تقسیم کئے۔اس موقع پر گفتگو کرتے ہوئے ایس پی لیگل نے کہا قومی رضاکار پولیس کا دست و بازو ہیں۔ مثالی ڈیوٹی کرتے ہیں۔انہوں نے کہاکہ موجودہ حالات میں پولیس کو قومی رضاکاروں کی بہت ضرورت ہے۔ انہی کی وجہ سے پولیس کو اپنی ڈیوٹی مکمل کرنے میں آسانی ہوتی ہے۔ایس پی لیگل محمد اقبال ملک نے کہاکہ قومی رضاکاروں کو مزید ماہ کی تنخواہ بہت جلد دے دی جائے گی۔ قومی رضاکاروں نے موقع پر اطمینان کا اظہار کیا۔
