پپلاں (نامہ نگار) انجمن تاجراں حافظ والہ کے الیکشن کے لیئے جوڑ توڑ اور انتخابی مہم عروج پر پہنچ گئیں حافظ والہ اڈا پر امیدواروں نے اپنے اپنے بینر ز اور پوسٹر آویزاں کر دیئے بازار اور اڈا کو دلہن کی طرح سجا دیا گیا اُمیدوار برائے صدارت انجمن تاجراں حافظ والہ حافظ محمد جاوید اعوان نے صحافیوں سے گفتگو کرتے ہوئے کہا کہ انشاء اللہ اس الیکشن میں کامیابی ہمارے پینل کا مقدر ہو گی کیونکہ تاجر برادری کی اکثریت ہمارے ساتھ ہے جو ہمیں بھر پور سپورٹ کر رہی ہے انہوں نے کہا کہ تاجر برادری نے ہمیں اپنے اعتماد بخشا تو انشاء اللہ کامیاب ہوکر اپنے تاجر بھائیوں کی فلاح و بہبود اور مسائل کے حل کے لیئے بھر پور کوشش کریں گے انہوں نے کہا کہ ہمارے مد مقابل امیدواروں کی طرف سے قبل از وقت کامیابی کے دعوے کرنا اور ہمارے پینل کو شکست دینے کے اخباری بیان صرف بیانات تک ہی محدود ہوں گے اور کسی کے خواب دیکھنے پر تو کوئی پابندی نہیں لگا سکتا یہ اب گھوڑا اور میدان حاضر ہے اگر ہمارے حریف خوش فہمی کا شکار ہیں تو کوئی بات نہیں جس کو تاجر برادری چاہے گی اسے ہی کامیابی ملے گی ہماری الیکشن مہم زور شور سے جاری ہے اور تمام تاجر بھائی ہمارے ساتھ کھڑے ہیں انشاء اللہ22 فروری کا سورج ہمارے پینل کی کامیابی کی نوید لیکر طلوع ہو گا اور ہم مقابلہ کے لیئے تیار ہیں۔
