پپلاں(نامہ نگار) پپلاں کلور کوٹ بین الاضلاعی شیر شاہ سوری روڈ کی کشادگی اور نئے سرے سے تعمیر کے کام میں تاخیر کی وجہ سے عوام کو درپیش سفری مشکلات کی صحافیوں کی طرف سے ڈی سی او محمد زمان وٹو کو نشان دہی پر فوری ایکشن۔ ڈی سی او کا متعلقہ حکام کو سڑک کی تعمیر کا کام فوری طور پر مکمل کرنے کا حکم، معروف کالم نگار صحافی ملک عبدالمجید اور سینئر صحافی حاجی محمد صادق نے گزشتہ روز ڈی سی او بھکر محمد محمد زمان وٹو سے ٹیلی فون پر بات کر کے انہیں آگاہ کیا کہ کروڑوں روپئے کی لاگت سے پپلاں کلورکوٹ روڈ بین الاضلاعی روڈ کی کشادگی اور نئے سرے سے تعمیر کا کام ضلع میانوالی اور بھکر کی باؤنڈری پر عرصہ دراز سے جاری ہے لیکن سڑک کی تعمیر کرنے والے ٹھیکیدار نے سڑک پر پتھر ڈال کر کام کو التوا میں ڈال رکھا ہے جسکی وجہ سے میانوالی اور بھکر کے درمیان سفر کرنے والے شہریوں کو بے پناہ مشکلات درپیش ہیں جس کا فوری نوٹس لیتے ہوئے ہوئے ڈی سی او محمد زمان وٹو نے متعلقہ حکام کو ہدایت کی کہ مذکورہ سڑک کی تعمیر کا کام فوری طور پر مکمل کیا جائے ڈی سی او محمد زمان نے صحافیوں سے گفتگو کرتے ہوئے یقین دہانی کروائی کہ عوامی فلاح و بہبود کی تمام سکیموں کو شفاف انداز میں مکمل کیا جائے گا اور کسی کو بھی غیر معیاری اور ناقص میٹریل استعمال کرنے کی ہرگز اجازت نہیں دی جائے گی انہوں نے کہا کہ میڈیا کے نمائندے معاشرہ کی آنکھ اور کان اور میڈیا ہی مملکت کا طاقتور ستون ہے میں صحافیوں کا دل سے احترام کرتا ہوں اگر کسی بھی جگہ عوامی فلاح و بہبود کے منصوبے میں کوئی گڑ بڑ کر رہا ہو ، عوام کی حق تلفی کرے یا کہیں کرپشن ہو تو فوری طور پر ایسے لوگوں کی نشان دہی کی جائے اور میرے نوٹس میں لایا جائے تاکہ ذمہ دار افراد کے خلاف بھر پور قانونی کاروائی کی جائے محمد زمان وٹو نے کہا ٹی ایم ایز اور دوسرے محکموں میں عوام کی فلاح و بہبود کی تمام سکیموں کو شفاف انداز میں مکمل کروایا جا رہا ہے اور کرپشن کے خلاف حکومت پنجاب کی پالیسی میں زیرو ٹالرنس ہے انہوں نے مزید کہا کہ مجھے سب سے زیادہ شکایات ماضی میں ٹی ایم ایز کے فنڈز اور محکمہ صحت اور ادویات میں خورد برد کے متعلق موصول ہو رہی ہیں جس پر بھر پور ایکشن لیا جارہا ہے اور میں ذاتی طور پر ایسی تمام سکیموں کو چیک رہا ہوں اور کسی صورت بھی ایسے کرپٹ اور بد دیانت ملازمین کو معاف نہیں کیا جائے گا جو اس میں ملوث رہے ہیں کیونکہ میری ڈکشنری میں ایسے کرپٹ اور بد دیانت لوگوں کے لیئے معافی کی کوئی گنجائش نہیں ہے اور نہ ہی وہ کسی رعایت کے مستحق ہیں انہیں ہر صورت اپنے جرم کی سزا ملے گی۔ صحافیوں نے ڈی سی او محمد زمان وٹو کے عوام کی فلاح و بہبود کے لیئے اٹھائے جانے والے انقلابی اقدامات مستحق مریضوں کے لیئے خون کی فراہمی اور کرپشن کے خاتمہ کے لیئے شروع کی جانے والی مہم پر انہیں زبردست الفاظ میں خراج تحسین پیش کرتے ہوئے انہیں بھر پور تعاون کی یقن دہانی کروائی۔
