پپلاں (محمد رضوان آکاش) ڈی سی او میانوالی محمد خان رانجھا نے میانوالی میں تعیناتی کے دوران میرٹ کو یقینی بنا کر عوامی مسائل کو بہترین انداز میں حل کیا اور انکی خدمات قابل ستائش ہیں لیکن حکومت پنجاب نے اچانک ڈی سی او میانوالی محمد خان رانجھا کو تبدیل کر کے عوام سے زیادتی کی ہے محمد خان رانجھا کی میانوالی سے تبادلہ سے عوام کے مسائل مزید بڑھیں گے اس لیئے فوری طور پر انکا تبادلہ منسوخ کیا جائے ان خیالات کا اظہار سابق جنرل سیکریٹری پپلاں بار ملک حاکم خان اسڑ نے صحافیوں سے ملاقات کے دوران گفتگو کرتے ہوئے کیا انہوں نے کہا کہ محمد خان رانجھا نے میانوالی میں تعیناتی کے دوران دن رات کام کیا لیکن انہیں اچانک بلا وجہ تبدیل کر دیا گیا جو ضلع کے عوام سے زیادتی ہے انہوں نے مزید کہا کہ گزشتہ روز ضلع بھر کے رورل ہیلتھ سنٹرز اور بنیادی مراکز صحت میں مرمت کے کاموں کے لیئے کئی اسپتالوں کو گرانٹ دینے کی منظوری دی ئی لیکن بنیادی مرکز صحت ہرنولی کو اس میں شامل نہیں کیا گیا جسکی حالت زار انتہائی خراب ہے اس لیئے فوری طور پر اسے مرمت کروایا جائے انہوں نے وزیر اعلی پنجاب میاں شہاز شریف اور پنجاب حکومت سے مطالبہ کیا کہ یا تو محمد خان رانجھا کو میانوالی میں دوبارہ تعینات کیا جائے بصورت دیگر ڈی سی او بھکر محمدزمان وٹو یا کیپٹن محمد محمود جیسے دیانت دار اور فرض شناس آفیسر کو میانوالی میں بطور ڈی سی او تعینات کیا جائے تاکہ ضلع میانوالی کو مسائل کی دلدل سے نکالا جا سکے اور سرکاری اداروں میں کام چوروں اور بد دیانت سرکاری ملازمین کا قبلہ درست کیا جا ئے اور کرپشن اور لوٹ مار کا تدارک یقینی بنایا جا سکے۔
