پپلاں( محمد رضوان آکاش)گھریلو حالات سے دلبرداشتہ ہو کر نواحی گاؤں ڈب بلوچاں کے رہائشی شادی شدہ نوجوان اسد جمیل بلوچ نے اپنے آپ کو فائر مار کر زندگی کا خاتمہ کر لیا پپلاں کے محلہ مصطفی آباد کی رہائشی ذ ہنی مریض سولہ سالہ دوشیزہ نصرت بی بی ٹرین کے نیچے آکر کچلی گئی اور جان سے ہاتھ دو بیٹھی، پپلاں پولیس اور ریلوے پولیس نے قانونی کاروائی کے بعد جاں بحق ہونے والے شخص اور لڑکی کی نعشیں ورثاٗ کے حوالہ کر دیں۔ پہلا واقعہ گزشتہ روز نواحی گاؤں ڈب بلوچاں میں پیش آیا جس میں ایک شادی شدہ نوجواں اسد جمیل ولد ماسٹر منظور حسین قوم جیون خیل بلوچ جو دوبچوں کا باپ بتایاگیا ہے جو گزشتہ روز گھریلو حالات سے دلبرداشتہ ہو کر پسٹل سے اپنے آپ کو فائر مار لیا جسے فوری طور پر تحصیل ہیڈ کاکوارٹر اسپتال لایا گیا اور بعد ازاں اسے میانوالی ریفر کیا گیا جہاں اسکا آپریشن بھی ہوا لیکن خون زیادہ بہہ جانے کی وجہ سے وہ دم توڑ گیاورثاء کے مطابق پولیس کو زخمی شخص نے بیان دیا کہ اس نے گھریلو حالات سے دلبرداشتہ ہو کر اپنے آپ کوگولی ماری جس پر پپلاں پولیس نے تمام قانونی کاروائی کے بعد نعش ورثاء کے حوالہ کی جکہ دوسرا واقعہ گزشتہ رات پپلاں کے محلہ مصطفی آباد میں ریلوئے لائن کے قریب رہائش پذیر غلام عباس سیوڑا کی سولہ سالہ بیٹی نصرت بی بی کو پیش آیا جو ٹرین کے نیچے آکر کٹ مری ۔ مرنے والی دوشیزہ کے متعلق بتایا گیا کہ وہ ایک ذہنی مریضہ تھی جو کچھ عرصہ سے بیمار تھی حادثہ کے بعد پاکستان ریلوے کی پولیس موقع پر پہنچی جس نے نعش کو اسپتال منتقل کیا اور ضروری کاروائی کے بعد نعش کو ورثا ء کے حوالہ کیا دونوں مرنے والوں کو نماز جنازہ کے بعد قبرستان میں سپرد خاک کر دیا گیا۔
