پپلاں(محمد رضوان آکاش)پاکستان تحریک انصاف کے راہنما ایم این اے امجد علی خان نے کہا کہ مخالفین کی کوئی سازش تحریک انصاف کی جدوجہد کو نقصان نہیں پہنچا سکتی کوئی بھی حکمران یا سیاستدان عمران خان چےئر مین تحریک انصاف کی قیادت میں ہمیں اپنے مشن سے نہیں ہٹا سکتا ان خیالا ت کا اظہار انہوں نے صحافیوں سے بات چیت میں کیا ا مجد علی خان نے کہا کہ ایک قومی اخبارکے آرٹیکل میں کیئے گئے تجزیئے میں میرے بارے جو کہانی گھڑی گئی اس میں کوئی صداقت نہیں ہے انہوں نے کہا کہ پارٹی کے تمام ممبران کورکمیٹی کا اسمبلیوں سے مستعفیٰ ہونے کا فیصلہ متفقہ ہے اسمبلی کی نشست ہمارے لیے کوئی حیثیت نہیں رکھتی انہوں نے کہا کہ جھوٹی من گھڑت کہانی شائع کر نے والے میڈیا گروپ کو پاکستان کے عوام پہنچا ن چکے ہیں یہ گروپ ایک سیاسی جماعت کے ترجمان کی حیثیت سے کام کر رہا ہے انہوں نے کہا کہ تحریک انصاف ہمارے لیے سب سے زیادہ اہم ہے اور ایک کارکن کی حیثیت سے تحریک میں شمولیت کی ہے جس پرہمیں فخر ہے ۔
