پپلاں(محمد رضوان آکاش)محکمہ انہار میانوالی نے ٹیل کے کاشتکاروں تک نہری پانی پہنچانے اور پانی کے ضیاع کو روکنے کے لیئے نہروں میں بھل صفائی کے کام کا آغاز کر دیا پپلاں راجباہ سمیت تحصیل پپلاں کی دیگر نہروں میں بھل صفائی کا کام محکمہ کے بیلداروں اور مزدوروں کی بجائے ایکسکیویٹرز کے ذریعے شروع کروایا جسکی نگرانی محکمہ انہار کا عملہ کرنے میں مصروف ہے اس موقع بھل صفائی کی نگرانی پر مامور محکمہ انہار کے عملہ نے صحافیوں کو بتایا کہ نہروں کی سالانہ بندش جاری ہے اور بھل صٖفائی کے کام کو تیز رفتاری سے مکمل کیا جا رہا ہے تاکہ مقررہ وقت کے اندر اس کی تکمیل کی جائے تحصیل بھر کے کاشتکاروں نے محکمہ انہار میانوالی کی بھل صٖفائی مہم پر اپنے بھر پور اطمینان کا اظہار کرتے ہوئے حکومت پنجاب اور محکمہ انہار میانوالی کے افسران کا شکریہ ادا کیا۔
