پپلاں(محمد رضوان آکاش) سود خوری کی لعنت کے خاتمہ اور سودی کاروبار میں ملوث افراد کے خلاف کاروائی اور مقدامات کے اندراج کے لیئے ڈی سی او محمد زمان وٹو نے خصوصی مہم کا آغاز کر کے اپنے دفتر میں سپیشل سیل قائم کر کے میڈیا سے تعاون کی در خواست کر تے ہوئے اپیل کی کہ تمام صحافی برادری عوام کو شعور اور آگاہی دینے اور اس لعنت کے خاتمہ کے لیئے ہر سطح پر آواز بلند کریں اور ڈی سی آفس میں قائم سیل کو سود کا کاروبار کرنے والے لوگوں کے بارے معلومات دیں تاکہ انکے خلاف کریک ڈاؤن کر مقدمات درج کیئے جائیں اور سود میں جکڑے لوگوں کو اس لعنت سے بچانے کے لیئے قانونی کاروائی بھی کی جائے۔ صحافیوں سے دوران ملاقات اور سوشل میڈیا اور ٹیوٹر اکاؤنٹ پر اپنے خصوصی پیغام میں ڈی سی او محمد زمان وٹو نے کہا کہ وہ اس مہم میں اُنکا ساتھ دیں اور میڈیا کے ذریعے عوام میں شعور بیدار کر کے اس لعنت کے خاتمہ میں اپنا اپنا حصہ ڈال کر اپنی بنیادی ذمہ داریوں کو احسن طریقے سے سرانجام دیں ڈی سی او محمد زمان وٹو کے اس پیغام پر معروف کالم نگار ملک عبدالمجید میانوالی یونین آف جرنلسٹ کے نو منتخب صدر محمد یوسف چغتائی سینئر نائب صدر ملک عمر اعوان ، نائب صدر محمد امیر ملک جنرل سیکریٹری اکمل خان فنانس سیکریٹری نثار ملک سیکریٹری اطلاعات عبدالحمید لاشاری اور نیشنل میڈیا فورم کندیاں کے سرپرست اعلی سینئر صحافی چوہدری محمد اکرم غلام یسین نجیب اللہ خان محمد اسلم خان محمد ندیم چوہدی فیض رسول فیضی غلام حسن رضا شیخ حفیظ اللہ خان حاجی محمد صادق خالد محمود ملک ندیم ملک سمیت دیگر درجنوں صحافیوں نے سود جیسی لعنت کے خاتمہ اور اس کاروبار میں ملوث افراد کے خلاف خصوصی مہم شروع کرنے پر محمد زمان وٹو کو زبردست الفاظ میں خراج تحسین پیش کرتے ہوئے انکا بھر پور ساتھ دینے کا اعلان کیا انہوں نے کمشنر سرگودھا ڈویژن سے مطالبہ کیا کہ سود کی لعنت کے خاتمہ کے لیئے اس مہم کوسرگودھا ڈویژن کے چاروں اضلاع میانوالی بھکر خوشاب اور سرگودھا میں ایک ساتھ وسیع پیمانے پر شروع کیا جائے اورصحافیوں نے حکومت پاکستان سے بھی مطالبہ کیا کہ سود کی لعنت نے ہزاروں گھرانوں کو کنگال کر دیا ہے اور لاکھوں ہزاروں لوگ اس لعنت کی وجہ سے اپنی زندگی بھر کے اثاثوں سے محروم ہو کر تباہ و برباد اور کنگال ہو چکے ہیں اور اس گھناونے کاروبار کی روک تھام کے لیئے حکومت نے کبھی بھی موثر طریقے سے کاروائی نہیں کی جس کی وجہ سے سود کا کا روبار کرنے والوں کی حوصلہ شکنی نہ ہوئی اور وہ بلا خوف جگہ جگہ سود کے کاروبار کو پھیلا رہے ہیں اور یہ نا سور دن بدن پھیلتا جا رہا ہے جس نے معاشرے کو اپنی لپیٹ میں لے رکھا ہے جسکی وجہ سے قتل ڈکیتیوں معاشرتی بے راہ روی اور دیگر سنگین جرائم میں بھی دن بدن اضافہ ہو رہا ہے اور کئی لوگ سود کی دلدل میں پھنس کر ذہنی مریض بن کر منشیات کی طرف بھی راغب ہو رہے ہیں کئی غریب گھرانوں کے والدین کی بچیاں وسائل نہ ہونے کی وجہ سے شادیوں سے بھی محروم ہیں انہوں نے حکومت پاکستان سے یہ بھی مطالبہ کیا کہ سود کے کاروبار میں ملوث لوگوں کے خلاف درج ہونے والے مقدمات کو 21 ویں آئینی ترمیم کے تحت دہشت گردی کے خاتمہ کے لیئے قائم ہونے والی سپیشل ملٹری ٹرائل کورٹس میں چلانے اور انکے ملزمان کے لیئے کم از کم سزا25 سال تک رکھنے کے علاوہ اسے ناقابل ضمانت جرم قراردینے کے لیئے آئین میں مزید ترمیم کی جائے اور ملک بھر میں سود کو ختم کرنے کے فوری اقدمات کیئے جائیں تاکہ ملک بھر سے سود جیسی لعنت کا خاتمہ ہو کیونکہ یہ نہ صرف بالکل غیر شرعی بلکہ غیر اخلاقی جرم ہے جو کروڑوں لوگوں کی زندگیاں تباہ و برباد کر چکا ہے اور سود میں جکڑے ہوئے لاکھوں لوگ انتہائی پریشان ہیں۔
