پپلاں(محمد رضوان آکاش) کندیاں میں پاکستان مسلم لیگ(ن) خواتین یوتھ ونگ کا قیام عمل میں لایا گیاہے حالانکہ پاکستان بھر میں مسلم لیگ(ن) کی خواتین کی یوتھ ونگ کا کوئی وجود نہیں ہے گذشتہ روز اس سلسلہ میں یوتھ ونگ عہدیداروں کی طرف سے محلہ خواجہ آباد کندیاں میں 60کے قریب کندیاں کی خواتین کا ایک اجلاس منعقد ہوا جس کے مہمان خصوصی ضلعی صدر پاکستان مسلم لیگ(ن) ساجد خان اور صدر یوتھ ونگ خضر حیات خان تھے اس موقع پرمسلم لیگ خواتین کی یوتھ ونگ کی تحصیل کی سطح پر ایک باڈی تشکیل دی گئی جسکی پہلی صدر رابعہ تبسم، جنرل سیکرٹری سدرہ کرن، سنیئر نائب صدر رخسانہ ظہیر مقرر ہوئیں جبکہ دیگر عہدیداروں کا چناؤ بعد میں عمل میں لایا جائے گا اس اجلاس کی حیران کن بات یہ ہے کہ جن خواتین کو مدعو کیا گیا تھا ان سے کہا گیا کہ اس اجلاس کے بعد مریم نواز امدادی سکیم کے تحت نادار اور مفلس خواتین کو 13ہزار روپے ماہانہ امداد ی جائے گی جس کا آج باقاعدہ آغاز کیا جارہا ہے جبکہ ضلعی عہدیداروں کو یہ بتایا گیا کہ یہ مسلم لیگ خواتین کا ورکر کنونشن ہے مسلم لیگ (ن) کندیاں ، کندیاں رورل اور دیگر ذیلی تنظیموں کے کسی بھی مقامی عہدیدار کو اس کنونشن میں نہیں بلوایا گیا تھا جنہوں نے صحافیوں کے رابطے پر بتایا کہ پاکستان مسلم لیگ(ن) کی پاکستان بھر میں خواتین کی یوتھ ونگ موجود نہ ہے صرف تحصیل پپلاں کیلئے ایسی تنظیم کا قیام جماعت کی پالیسیوں کے منافی ہے یہ محض خودساختہ عمل ہے جسکی وہ بھرپور مذمت کرتے ہیں ممبر مرکزی کونسل پاکستان مسلم لیگ(ن) محمد اقبال ساجد نے کہا ہے کہ ضلعی صدر ساجد خان کو اس اجلاس کے پس منظر سے قبل ازوقت بار ہا مرتبہ آگاہ کر دیا گیا تھا لیکن اس کے باوجود انہوں نے اس اجلاس میں شرکت کر کے کارکنوں کی دل آزاری کی ہے انہوں نے اس امر کی تصدیق کی کہ پاکستان بھر میں نہ تو خواتین کی یوتھ ونگ قائم ہے اور نہ ہی مریم نواز امدادی سکیم کے نام سے کوئی ریلیف پیکج پروگرام شروع کیا گیا ہے انہوں نے مزید کہا ہے کہ تمام تر صورتحال سے صوبائی قیادت کو آگاہ کیا جائے گا انہوں نے مزیدکہاکہ پرانے نظریاتی اور مخلص کارکنوں کو اس تمام پروگرام سے بے خبر رکھنے سے یہ بات ثابت ہوتی ہے کہ ضلع میں پاکستان مسلم لیگ (ن) کی بچی کچھی ساکھ کو سبوتاژ کرنے کی ایک سوچی سمجھی سازش ہے انہوں نے حکام بالا سے مطالبہ کیا ہے کہ ایسی منفی سرگرمیوں کا فوری نوٹس لیکر ذمہ دار عناصر کے خلاف کاروائی عمل میں لائی جائے۔
