پپلاں(محمد رضوان آکاش) ڈسٹرکٹ ٹیچر ز ایجوکیٹر ایسوسی ایشن ضلع میانوالی کے سالانہ انتخابات 27جنوری کو ہوں گے ڈی ٹی ایز ایسوسی ایشن کی مجلس شوریٰ کے سربراہ ملک محمد عارف نے بتایا کہ ان انتخابات کیلئے الیکشن شیڈول کا اعلان کر کے محمد اجمل اور عمر حیات اور محمد عارف پر مشتمل تین رکنی الیکشن کمیٹی تشکیل دے دی گئی ہے اعلامیہ کے مطابق تحصیل عیسیٰ خیل کیلئے امیدوار اپنے کاغذات نامزدگی ملک عمر حیات خان اور تحصیل پپلاں سے امیدوار ملک عارف کے پاس جمع کروائیں گے27جنوری کو تنظیم کا الیکشن میانوالی کی تینوں تحصیل ہیڈکوارٹرز پر ہوگا تاکہ ڈی ٹی ایز اور امیدواروں کو تحصیل کی سطح پر الیکشن کے عمل کی سہولت میسر ہوسکے۔
