پپلاں ( محمد رضوان ) موبی لنک سیلولر نیٹ ورک کی طرف سے موبی کیش کے ذریعے اعلی کارکردگی دکھا نے بہترین سروس کی فراہمی سمیت بزنس دینے میں ضلع بھر میں اول پوزیشن حاصل کرنے پرمعروف موبی کیش ریٹیلر ملک محمد اکرم رحمت پی سی اوکو موٹر سائیکل کا انعام۔ ایک سادہ اور پر وقار تقریب میں موبی لنک کمپنی کے ریجنل ریٹیل منیجر محمد عامر حیات نے موبی لنک فرنچائز پپلاں کے مالک احمد حسن خان کے ہمراہ تقریب میں شرکت کی اور موبی کیش ریٹیلر ملک محمد اکرم کو انعام دیا اس موقع پر انہوں نے اپنے خطاب میں رحمت پی سی او کے مالک حاجی ملک رحمت علی گھڑی ساز اور موبی کیش ریٹیلر ملک محمد اکرم کو بہترین سروس کی فراہمی اور کمپنی کو ضلع بھر میں بہترین بزنس دیکر ضلع بھر میں اول پوزیشن حاصل کرنے پر انہیں مبارکباد پیش کی اور کمپنی کی طرف سے انہیں انعام کے طور پر سپر ایشیا موٹر سائیکل کی چابیاں پیش کیں انہوں نے کہا کہ ہمیں اس بات پر انتہائی خوشی ہے کہ ملک محمد اکرم نے علاقہ بھر کے کسٹمرز کو نہ صرف بہترین سروس فراہم کی بلکہ ان کی طرف سے کمپنی کو ریکارڈ بزنس دیا گیا جو انکی محنت کا نتیجہ ہے ا ور ہم انکو اعلی کارکردگی دکھانے پر مبارکباد اور خراج تحسین پیش کرتے ہیں اس موقع پر موبی کیش ریٹیلر ملک محمد اکرم نے موبی لنک کمپنی ،ریجنل ریٹیل منیجر محمد عامر حیات ،موبی لنک فرنچائز کے مالک احمد حسن خان اور تقریب کے شرکاء کا شکریہ ادا کرتے ہوئے کہا کہ یہ انعام ہمارے لیئے ایک اعزاز اور ہمارے کسٹمرز کے اعتماد کانتیجہ ہے ہماری ہمیشہ سے یہ کوشش رہی ہے کہ ہم اپنے کسٹمرز کو بہترین سروس فراہم کریں اور انکے اعتماد پو پورا اتریں انہوں نے موبی لنک کمپنی کے ریجنل ریٹیل منیجر محمد عامر حیات کو یقین دلایا کہ انشاء اللہ ہم اپنی سروس کو مزید بہتر بنائیں گے تاکہ عوام کا اعتماد مزید بڑھے اس موقع پر موبی لنک فرنچائز پپلاں کے مالک احمد حسن خان، سابق صدر انجمن تاجراں پپلاں حاجی ملک محمد نصر اللہ، سابق سینئر نائب صدر حاجی شیخ عبدالرحیم مسلم لیگ ن کے تحصیل صدر رانا سعید اختر عبدالرشید ٹیلر ماسٹر حاجی ملک محمد اشرف ٹھیکیدار، ایڈ منسٹریٹر مارکیٹ کمیٹی ملک محمد آصف، ڈپٹی ایڈ منسٹریٹر مارکیٹ کمیٹی خالد محمود ملک حاجی ملک خالد آڑھتی ملک طیب اعوان شیخ محمد وسیم آڑھتی عوامی اتحاد کے سربراہ مظہر محسن خان حاجی محمد صادق سیٹھ کالم نگار ملک عبدالمجید سمیت دیگر درجنوں افراد اور بازار کے تاجروں نے ملک رحمت علی اور ملک محمد اکرم کو ضلع بھر میں پہلی پوزیشن حاصل کر کے موٹر سائیکل کا انعام ملنے پر انہیں مبارکباد پیش کی۔
