پاکپتن(بیورورپورٹ)سپیڈ بریکر نصب نہ ہونے کے باعث ہسپتال روڑ حادثات کی آماجگاہ بن گیا، بڑھتے ہوئے حادثات انسانی جانوں کے خطرہ بن گئے، شہری کا اعلیٰ حکام فوری نوٹس لینے کا مطالبہ۔بتایا گیا ہے کہ پاکپتن کی معروف مصروف شاہراہ ہسپتال روڑ پر سپیڈ بریکرز نہ نصب کے باعث ٹریفک حادثات روز مرہ کامعمول بن چکے ہیں، اسی شاہراہ پر تجاوزات کی بھرمار ہونے کے باعث ٹریفک کا جام رہنا انتظامیہ کی کارکردگی کی قلعی کھول رہا ہے،ہسپتال روڑ پر سپیڈ بریکرز نصب نہ کیے گئے تو یہ روڑبھی انسانی جانوں کا دشمن ثابت ہو گیا۔انتظامیہ کی عدم توجہہ کو شہریوں نے سخت تنقید کا نشانہ بناتے ہوئے کہاکہ اوورسپیڈ موٹرسائیکل روڑ پر سپیڈ بریکر نصب نہ ہونے کے باعث سڑکوں پر پیدل چلنے والے شہریوں کے لیے نقصان دہ بن چکے ہیں۔انہون نے کہا کہ حکومت فوری طور پر واقعہ کا نوٹس لے کر ہسپتال روڑ پر سپیڈ بریکر نصب کرنے کے احکامات جاری کرے۔
