پاکپتن (بیورورپورٹ) درخت قدرت کا انمول تحفہ ہیں ، درخت لگانا سنت نبویﷺاور صدقہ جاریہ ہے ، درخت زمین کا زیور اور ماحول کو معطرو خوبصور ت بنانے کی کلید ہیں ، درختوں کی کمی ماحولیاتی آلودگی میں اضافے کا باعث بنتی ہے ، درخت اورکائنات کاوجو د ازل سے ہے ، ،درخت ہماری زندگی کا اہم جز ہیں،درخت ملکی زرمبادلہ کے ذخائر میں بھی اضافہ کرتے ہیں ، درخت ماحول کو کثافتوں سے پاک ماحول مہیا کرنے میں اہم کردار ادا کرتے ہیں، ترقی یافتہ پاکستان سر سبز وشاداب پاکستان سے ممکن ہے ، ان خیالات کا اظہار ڈسٹرکٹ اینڈ سیشن جج ملک مشتاق احمد اوجلہ نے شجر کاری مکم کے سلسلہ میں سیشن کورٹ میں پودا لگانے کی تقریب سے خطاب کرتے ہوئے کیا،اس موقع پر ایڈیشنل سیشن جج شعیب انور قریشی ،سنےئر سول جج ملک محمد اویس ، صدر بارایسو سی ایشن راؤ محمد اکرم ، جنرل سیکرٹری محمد امجد ، رینج فاریسٹ آفسیر محمد یونس سمیت دیگر متعلقہ اداروں کے افسران بھی موجود تھے ،ڈسٹرکٹ اینڈ سیشن جج ملک مشتاق احمد اوجلہ نے کہا ک درخت قدرتی آفات اور دیگر ہولناک تباہیوں سے محفوظ رکھنے کی کلید ہیں ، ملک کو سر سبز و شاداب بنانے کیلئے ہم سب کو مل جل کر کثیر تعداد میں پود ے لگانے ہوں گے تاکہ ہریالی کی منزل حا صل ہو اور صاف شفاف ماحول دستیاب ہو، صحت مند معاشرے کے قیام کیلئے درختوں کی حقیقت مسلمہ اور صفائی ستھرائی کی خا ص اہمیت ہے، صحت مند ماحول کے قیام کیلئے شجر کاری مہم کے تحت زیادہ سے زیادہ پودے لگائیں، ہر شہری اپنی عزیز و اقارب کے نام سے ایک پودا ضرور لگائے ، علاوہ ازیں ڈسٹرکٹ اینڈ سیشن جج ملک مشتاق احمد اوجلہ نے سیشن کورٹ میں فائیکس کا پودا لگا کر شجر کاری مہم کا آغاز کیا۔
