پاکپتن ( بیورورپورٹ) جذبہ حب الوطنی کو پروان چڑھانا ہوگا،اور ہر فرد کوسچے و قومی جذبوں کے ساتھ ملکی ترقی کیلئے متاثر کن کردار ادا کرنا ہوگا ، اقتصادی و معاشتی ترقی کیلئے صحت مند طرز زندگی بہت ضروری ہے ، کلین اینڈ گرین مہم ملک کو سر سبز و شاداب بنانے کے ساتھ اس کے ثمرات سے صاف شفاف آب ہوا دستیاب ہوگی شجر کاری اور گرین اینڈ کلین مہم ترقی و استحکام پاکستان کی کلید ہے ، ان خیالات کا اظہارسوشل ڈویلپمنٹ کونسل کے صدر غلام نبی ڈھڈی نے شجر کاری مہم کے سلسلہ میں پریس کلب پاکپتن میں پودے لگانے کی تقریب سے خطاب کرتے ہوئے کیا ، اس موقع پرسیاسی سماجی شخصیات بھی موجود تھے سوشل ڈویلپمنٹ کونسل کے صدر غلام نبی ڈھڈی نے کہا کہ صاف و سر سبز پاکستان مہم کی کامیابی مشترکہ کاوشوں سے ہی ممکن ہے اور ہر شہری اپنے حصے کے نہ صرف پودا لگائے بلکہ اس کی متواتر طریقے سے آبیاری بھی کرے۔
