لاہور: عمران خان بڑھکیں لگانا اور گالیاں دینا بندکردیں جمہوریت میں یہ نہیں چلتا ان خیالات کااظہار مسلم لیگ ن ٹریڈرزونگ پنجاب کے جنرل سیکرٹری الحاج زبیر احمدنے اپنے ایک بیان میں کیا۔انہوں نے کہاقوم نے میاں نوازشریف کو پانچ سال کیلئے مینڈیٹ دیاہے نئے الیکشن کا راگ الاپنے والے مزید تین سال انتظارکریں دھرنے ،احتجاج اور جلاؤ گھیراؤسے جمہوریت کو خطرات لاحق ہو سکتے ہیں عمران خان یہ حقیقت تسلیم کرلیں کہ عوام نے اس کا ساتھ نہیں دیا دھرنے ناکام ہوگئے ہیں۔ الحاج زبیر احمدنے کہا دن رات کرپشن کے خلاف باتیں کرنے والوں کی اپنی پارٹی تحریکِ انصاف کے فنڈزمیں خوردبردکی باتیں ہورہی ہیں اس کرپشن کے خلاف بھی ایکشن لیا جائے۔انہوں نے کہا عمران خان اور طاہرالقادری کا ایجنڈہ ملک کو کمزورکرناہے مخصوص مفادات کی سیاست کرنے سے ملک کی کوئی خدمت نہیں کی جا سکتی عمران خان بتائیں خیبر پی کے میں مصیبت کے مارے آئی ڈی پیزپر تشددکرنا کون سی جمہوریت ہے؟
